ABA ទទួលបានពាន ធនាគារក្នុងស្រុកឆ្នើមបំផុតនៅកម្ពុជា ប្រចាំឆ្នាំ2021 ពីទស្សនាវដ្ដី Asiamoney!

ភ្នំពេញ៖ ធនាគារ ABA ដែលជាធនាគារពាណិជ្ជឈានមុខរបស់កម្ពុជា រក្សាដំណែងជា «ធនាគារក្នុងស្រុក​ឆ្នើមបំផុតនៅកម្ពុជាប្រចាំឆ្នាំ2021» ពី Asiamoney ជា​ទស្សនាវដ្តី​ថ្នាក់​តំបន់​របស់​ Euromoney​ ដែល​ជា​ទស្សនាវដ្តី​ហិរញ្ញវត្ថុ​អន្តរជាតិ​។ កិត្តិនាមដ៏កំពូលនេះ ត្រូវបានផ្ដល់ជូន ABA បន្ទាប់ពីត្រូវបានទទួលស្គាល់ថាជា ធនាគារ​ឌី​ជី​ថ​ល​ឆ្នើមជាងគេ​នៅ​កម្ពុជា​ក្នុង​ឆ្នាំ​2019​ និងឆ្នាំ2020។​

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទស្សនាវដ្ដីថ្នាក់តំបន់ដ៏មានកិត្យានុភាពនេះ គូសបញ្ជាក់ជំហររបស់ ABA ជាធនាគារឈានមុខគេក្នុងវិស័យធនាគា​រ និងហិរញ្ញវត្ថុក្នុងប្រទេស។ ABA ទទួលបានការសាទរចំពោះយុទ្ធសាស្ដ្ររបស់ខ្លួនលើនវានុវត្តន៍ ដែលលេចធ្លោលើ ទីផ្សារក្នុងស្រុក បង្កើនវិស័យពាណិជ្ជកម្មអេឡិកត្រូនិកក្នុងស្រុក និងកិច្ចខិតខំប្រឹងប្រែងដើម្បីបំពេញតម្រូវការ អតិថិជន ទាំងអស់នេះសម្រេចបានក្នុងបរិបទនៃការរីករាលដាលជំងឺកូវីដ។

ក្នុងឆ្នាំ2021 ABA សម្រេចបានសមិទ្ធផលគួរឲ្យកត់សម្គាល់ក្នុងការអភិវឌ្ឍកម្មវិធីធនាគារតាមទូរស័ព្ទរបស់ខ្លួន។ ABA Mobile ដែលជាកម្មវិធីសេវាធនាគារល្អបំផុត ត្រូវបានគ្រប់ដណ្ដប់ដោយមុខងារនវានុវត្តថ្មីៗដូចជា គណនីរហ័ស សម្រាប់អតិថិជនមិនទាន់មានគណនីធនាគារ, ការផ្ទេរប្រាក់ក្នុងស្រុកតាមគម្រោងបាគង, ការបើកកាតប្លាស្ទិក ព្រមទាំងសេវាធនាគារប្រចាំថ្ងៃផ្សេងៗជាច្រើនទៀត។

អំឡុងពេលនៃការរីករាលជំងឺកូវីដ វិស័យពាណិជ្ជកម្មអេឡិកត្រូនិកក្នុងស្រុកមានសន្ទុះកើនឡើង នៅពេល ABA ដាក់ឲ្យប្រើប្រាស់កម្មវិធី PayWay Mobile ដែលប្រែក្លាយស្មាតហ្វូនទៅជាម៉ាស៊ីនទូទាត់ចល័ត POS ដើម្បីបង្កើតកូដ QR និងទទួលទូទាត់បែបឌីជីថល។ កម្មវិធី PayWay Mobile ក៏ផ្តល់ជូននូវការផ្ញើលីងទូទាត់សម្រាប់ផលិតផល ឬសេវាកម្មតាមរយៈកម្មវិធីផ្ញើសារនានា ដើម្បីទទួលបានការទូទាត់ភ្លាមៗផងដែរ។

នៅក្នុងផ្នែកសេវាធនាគារសម្រាប់អាជីវកម្ម ABA បានដាក់ឲ្យប្រើប្រាស់ឡើងវិញនូវកម្មវិធីធនាគារអនឡាញសម្រាប់ អាជីវកម្ម (IBB) តាមរយៈការនាំយក ប្រព័ន្ធប្រតិបត្តិការផ្ទាល់ (Host-to-Host) មុខងារ គណនីនិម្មិត, ការភ្ជាប់ជាមួយកម្មវិធីគណនេយ្យអនឡាញធំៗដូចជា Banhji, QuickBooks, និង Xero រួមជាមួយនឹងកំណែ ទម្រង់ផ្សេងៗជាច្រើនទៀត។

ធនាគារក៏បានអភិវឌ្ឍបណ្ដាញទីតាំងស្វ័យសេវា 24/7 របស់ខ្លួន ដើម្បីនាំមកនូវភាពងាយស្រួល និងបត់បែនបន្ថែម ដល់អតិថិជន។ ទីតាំងទាំងនេះស្ថិតក្នុងតំបន់ដែលមានចរាចរណ៍មមាញឹកខ្លាំង ហើយផ្ដល់ជូន ការចូលប្រើប្រាស់ គណនីអតិថិជនបានពេញមួយថ្ងៃ តាមរយៈម៉ាស៊ីនស្វ័យសេវាសម្បូរបែបរួមមាន ទូ ATMs, មាស៊ីនដកដាក់ប្រាក់ (CRM) និងម៉ាស៊ីនដាក់មូលប្បទានបត្រ។

លោក Askhat​ Azhikhanov នាយកប្រតិបត្តិធនាគារ ABA​ មានប្រសាសន៍ថា៖

លោកបន្ថែម។

Asiamoney មានប្រសាសន៍ក្នុងរបាយការណ៍ពានរង្វាន់របស់ខ្លួនថា៖

ការរាតត្បាតនៃមេរោគកូវីដ ធ្វើឲ្យធនាគារនេះកាន់តែរឹងមាំ។ គ្រឹះស្ថាននេះបានបង្រឹងធុរកិច្ចផ្នែកកាតឥណពន្ធ និងឥណទាន, interface ទូទាត់រួមគ្នា, ផ្ទេរប្រាក់ភ្លាមៗ និងផ្ទេរតាម SWIFT ក៏ដូចជាហិរញ្ញប្បទានពាណិជ្ជកម្ម​ជាដើម។ ក្នុងខែមករា 2021 ធនាគារបានបន្ថែមមុខងារគណនីរហ័សទៅក្នុងកម្មវិធីទូរស័ព្ទរបស់ខ្លួន។

ទាំងនេះបានកែប្រែដំណើរការបើកគណនីធនាគារបែបប្រពៃណី ដែលពីមុនត្រូវទៅសាខាធនាគារ​ជាមួយនឹងគោលការណ៍​ស្គាល់អតិថិជន (KYC) នវានុវត្តន៍ដែលមានប្រកួតប្រជែងពីដៃគូដើម្បីដាក់ដំណើរការ​មុខងារនេះដោយខ្លួនឯង។

ធនាគារ ABA​ ផ្ដល់ជូននូវសេវាហិរញ្ញវត្ថុប្រកបដោយភាពងាយស្រួល និងនាវានុវត្ត ដល់សហគ្រាសធុនតូច និងមធ្យម, អាជីវកម្មខ្នាតតូចបំផុត និងរូបវន្ដបុគ្គល។ គិត​ត្រឹម​ថ្ងៃ​ទី​ 31​ ធ្នូ​ 20201 ធនាគារ​ ABA​ គ្រប់គ្រង​ទ្រព្យសកម្ម​សរុប​ចំនួន​ 7.7​ ប៊ី​លាន​ដុល្លារ​អាមេរិក ហើយបច្ចុប្បន្នគ្រប់គ្រងជាង 2.75 លានគណនី តាមរយៈបណ្ដាញទូលំទូលាយ ដោយមានសាខា 80​ ម៉ាស៊ីនស្វ័យសេវាជាង 800 រួមជាមួយសេវាធនាគារអនឡាញសម្រាប់អាជីវកម្ម និងកម្មវិធីធនាគារតាមទូរស័ព្ទដៃទំនើប។

អំពី​ទស្សនាវដ្តី​ Asiamoney​

រយៈពេល​ជាង​បី​ទសវត្សរ៍​ ទស្សនាវដ្តី​ Asiamoney​ គឺជា​សំឡេង​នៃ​ឧស្សាហកម្ម​ធនាគារ​ និង​ទីផ្សារ​មូលធន​នៅ​អាស៊ី​។​ ក្នុងអំឡុងពេល​នោះ​ ការ​បោះពុម្ពផ្សាយ​នេះ​មាន​សារៈសំខាន់​ណាស់​ក្នុង​ការ​គ្របដណ្តប់​លើ​ការ​អភិវឌ្ឍ​វិស័យ​ហិរញ្ញវត្ថុ​នៅ​ក្នុង​តំបន់ដែលមានវឌ្ឍនភាព​រុងរឿង​នៅ​លើ​ពិភពលោក​។​ ច្បាប់​ចេញផ្សាយ​នីមួយៗ​របស់​ទស្សនាវដ្តី​ Asiamoney​ មាន​របាយការណ៍​ស៊ីជម្រៅ​ និង​ពានរង្វាន់​វិស័យ​ធនាគារ​ជា​ច្រើន​នៅ​ក្នុង​ទីផ្សារ​រហូត​ដល់​ទៅ​ 6​ នៅ​អាស៊ី​ប៉ា​ស៊ី​ហ្វិ​ក​។​ ការ​សម្រេចចិត្ត​ផ្តល់​ពានរង្វាន់​របស់​ទស្សនាវដ្តី​ Asiamoney​ ត្រូវ​បាន​ធ្វើ​ឡើង​ដោយ​ក្រុម​អ្នក​សារព័ត៌មាន​ជាន់ខ្ពស់​ដឹកនាំ​ដោយ​និពន្ធ​នាយក​របស់​ទស្សនាវដ្តី​ Euromoney​ បន្ទាប់​ពី​ទទួល​បានការ​ដាក់​សំណើ​លម្អិត​ពី​អ្នកចូលរួម​ទីផ្សារ​នេះ​ និង​រួម​ជាមួយ​ការ​ស្រាវជ្រាវ​លើ​ទីផ្សារ​ធនាគារ​ និង​មូលធន​ដោយ​គណៈកម្មាធិការ​និពន្ធ​នាយក​។​ និពន្ធ​នាយក​ជាន់ខ្ពស់​ក៏​បាន​ធ្វើ​ទស្សនកិច្ច​នៅ​ប្រទេស​ ឬ​តំបន់​នីមួយៗ​ដើម្បី​ជួប​ជាមួយនឹង​ធនាគារិក​នាំមុខ​គេ​ និង​ប្រមូល​មតិយោបល់​ពី​អតិថិជន​ និង​គូប្រកួត​ប្រជែង​ផង​ដែរ​។​