អុញ ទើបប្រកាសលែងគ្នា Newclear និងអតីតស្វាមីនាំគ្នាធ្វើរឿងឡើងស្វីតៗវិញ

ថៃ៖ បើទោះបីជា ​បែកបាក់​គ្នា​ក៏ពិតមែន ប៉ុន្តែ​ទំនាក់ទំនង​របស់​អតីត​គូស្វាមីភរិយា តារាស្រី Newclear និង លោក Dj Petchja នៅតែរក្សាមិត្តភាពដ៏ល្អ​ចំពោះ​គ្នា​ ព្រមទាំងរក្សា​ឋានៈ​ជាឪពុក​ម្តាយ​ ដើម្បី​មើល​ថែ​កូន​ប្រុស​តែ​ម្នាក់ របស់អ្នកទាំងពីរ ទៀតផង។ 

មិនត្រឹមតែប៉ុណ្ណោះ កាលពីថ្មីៗនេះ អតីតក្រុមគ្រួសាររបស់អ្នកទាំងពីរ ក៏បានចេញមកបង្ហាញពី ពេលវេលាដ៏កក់ក្តៅមួយ សម្រាប់អ្នកគាំទ្រ បន្ទាប់ពី បានឃើញ Newclear និង លោក Dj Petchja នាំកូនប្រុសទៅ​សាលា​រៀនជាមួយគ្នា ដែលជាសកម្មភាពពោរពេញដោយសុភមង្គល និងស្នាមញញឹមសប្បាយរីករាយសាជាថ្មីម្ដងទៀត ក្រោយពីប្រកាសចែកផ្លូវគ្នា កាលពីពេលកន្លងទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត ចំពោះការបង្ហាញឲ្យឃើញបែបនេះ អាចនិយាយបានថា ស្ទើរតែធ្វើឲ្យមនុស្សជាច្រើន មិនបានគិតថា អតីតគូស្វាមីភរិយាមួយគូ បានបែកបាក់គ្នានោះទេ តែទោះជាយ៉ាងណា បណ្ដាហ្វេនៗទាំងនោះ នៅតែបង្ហាញពីអារម្មណ៍រីករាយ ព្រមទាំងសង្ឃឹមថា អ្នកទាំងពីរអាចនឹងវិលត្រឡប់មកដូចដើម ផងដែរ៕ 

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ