ជាសេដ្ឋីនីលុយវាល់លាន តារា TVB Gigi lai សុខចិត្តពាក់អាវចាស់១០ឆ្នាំមុន

ហុងកុង៖ ជាការពិតណាស់ តារាសម្ដែងស្រីជើងចាស់ Gigi Lai ធ្លាប់បានសាងប្រជាប្រិយភាពយ៉ាងខ្លាំងកាលពីច្រើនឆ្នាំមុន ដែលមានទាំងសម្រស់ និងសមត្ថភាព ដែលជាទីពេញនិយមពីបណ្ដាទស្សនិកជនជាច្រើន។

យ៉ាងណាមិញ បច្ចុប្បន្ននេះ តារាស្រីរូបនេះ នៅតែបន្តទាញយកចំណាប់អារម្មណ៍ពីមហាជន ព្រោះក្រៅពីសាងកេរ្ត៍ឈ្មោះដ៏ល្បីហើយ នាងថែមទាំងមានចំណងស្នេហ៍ ក៏ដូចជាជីវិតអាពាហ៍ពិពាហ៍យ៉ាងល្អ ក្រោយពីបានរៀបការជាមួយនឹង ស្វាមីអ្នកមានទ្រព្យស្ដុកស្ដម្ភម្នាក់ ​ទៀតផង ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែ ថ្មីៗនេះ តារាស្រី Gigi Lai បែរជាធ្វើឲ្យហ្វេនៗ យកចិត្តទុកដាក់លើរូបភាព នៅពេលដែលនាង បានបង្ហាញខ្លួន ក្នុងសម្លៀកបំពាក់អាវស និងខោស្បែកពណ៌ខ្មៅយ៉ាងសាកសមគ្នាទៅវិញទៅមក តែក្រោយពីនោះ ពួកគេបានកត់សម្គាល់ឃើញថា អាវមួយនេះ នាងបានទិញអស់រយៈពេលជាច្រើនឆ្នាំទៅហើយ ។

ជាពិសេស តារាស្រីរូបនេះ ហាក់ដូចជាសប្បាយចិត្ត នៅពេលដែលបានឃើញអាវមួយនេះ នៅតែជាសម្លៀកបំពាក់ដ៏លេចធ្លោ ជួយលើកសម្រស់របស់នាងឲ្យកាន់តែស្រស់ស្អាតមួយកម្រិតទៀត ខណៈដែលមានមនុស្សមួយចំនួន បានលើកឡើងថា នាងហាក់ដូចជាសន្សំសំចៃជ្រុល ដែលនៅតែពាក់អាវ កាលពី ១០ ឆ្នាំមុន៕ 

ប្រភព៖ Eva.vn

សូមទស្សនារូបភាពខាងក្រោម៖ 

• តារាចិន