ធ្លាក់ព្រិលមិនស្រួលទេ! មនុស្ស ២១៥នាក់ចូលមន្ទីរពេទ្យ ដោយសារ....

ជប៉ុន៖ កាលពីពេលថ្មីៗនេះ ដោយសារតែសីតុណ្ហភាពត្រជាក់ និងការធ្លាក់ព្រិលដំបូងនៅក្នុងរាជធានីតូក្យូ ប្រទេសជប៉ុន​មនុស្សប្រមាណជា២១៥នាក់បានចូលមន្ទីរពេទ្យ បន្ទាប់ពីមានរបួសធ្ងន់និងស្រាលដោយសារព្រិលធ្លាក់ដ៏ក្រាស់លើកដំបូងដើមឆ្នាំ២០២១នេះ ដោយមានមនុស្សមួយចំនួនបានរអិលដួល ខណ:ដែលសីតុណ្ហភាពបានធ្លាក់ចុះដល់-៣.៥c និង -១.៨C ដោយកន្លែងខ្លះមានព្រិលធ្លាក់ក្រាស់ៗពិបាកក្នុងការធ្វើដំណើររបស់ប្រជាពលរដ្ឋ​ថែមទៀតផង ។

យ៉ាងណាមិញ ដោយសារតែព្រិលនៅតែបន្តធ្លាក់ខ្លាំង ជើងហោះហើរជាង១១៩ជើង ត្រូវបានលុបចោល ដោយសារអាកាសធាតុមិនល្អ ហើយស្ពានឥន្ធនូ  ដែលជាកន្លែងទាក់ទាញទេសចរណ៍ដ៏សំខាន់នៅក្នុងរដ្ឋធានីតូក្យូក៏ត្រូវបានបិទកាលពីថ្ងៃសុក្រ កន្លងទៅនេះ ដោយសារតែការធ្លាក់ព្រិលខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែរថា ប្រទេសជប៉ុនជាប្រទេសនៅតំបន់អាសុីបូព៌ា ដែលមានបួនរដូវសំខាន់ៗ ដោយក្នុងនោះរដូវរងា ឬជាភាសាជប៉ុនហៅថា ふゆ មានរយ:ពេលបីខែ ផ្តើមពីខែធ្នូ រហូតដល់ចុងខែកុម្ភ: ស្របតាមឆ្នាំនីមួយៗ៕

ចង់ឃើញកាន់តែច្បាស់ សូមទស្សនារូបភាពខាងក្រោមនេះ៖

• រូបភាព