ពេលនេះ រកឃើញវិញហើយ ក្មេងប្រុស ៣ ឆ្នាំ ដែលត្រូវជនមិនស្គាល់មុខចាប់

រាជធានីភ្នំពេញ៖ ពេលនេះ​ ក្មេងប្រុសដែលត្រូវបានជនមិនស្គាល់មុខ ចាប់យកទៅ ត្រូវបានរកឃើញវិញហើយ។ នេះបើតាមការអះអាងបញ្ជាក់របស់ម្ចាស់ហ្វេសប៊ុកឈ្មោះ តូចតូច។

សូមរំលឹកផងដែរថា បើតាមហ្វេសប៊ុក​ មួយឈ្មោះ Oun Jupi ប៉ុន្មានម៉ោងមុននេះ បានបង្ហោះឱ្យដឹងថា មានករណីជនមិនស្គាល់មុខ ចាប់ក្មេងប្រុសម្នាក់ ដែលកំពុងអង្គុយលេងតាមដងផ្លូវ បង្កឱ្យមានការភ្ញាក់ផ្អើលពេញបណ្តាញសង្គម។ក្មេងប្រុសរងគ្រោះត្រូវជាក្មួយប្រុសរបស់ខ្លួន ឈ្មោះ មករា គុណា អាយុ ៣ ឆ្នាំ ត្រូវជនមិនស្គាល់មុខ ចាប់យកទៅបាត់ នៅម៉ោង ១១ ព្រឹកថ្ងៃទី ១០ ខែមករា ឆ្នាំ ២០២២ នៅទីតាំង ភូមិក្រុងថ្មីសង្កាត់ គោកឃ្លាង រាជធានីភ្នំពេញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះ បើតាមការបញ្ជាក់របស់ លោក រស់ បូរា ប្រាប់កាសែតកម្ពុជាថ្មី ដូច្នេះថា ជនល្មើសជាមនុស្ស​វិកលចរិក​មក​​ពីខេត្តព្រៃវែង ដែលគេប្រាប់ថា ជននេះធ្លាប់ចូលមណ្ឌលកែប្រែច្រើនដង បានយកក្មេងប្រុសមកប្លុងចោលនៅជិតប៉ុស្តិ៍នគរបាលបាក់ខែង ហើយត្រូវ​បាន​ប្រ​ជាពលរដ្ឋប្រទះឃើញ រាយការណ៍មកសមត្ថកិច្ច។ លោកប្រាប់ថា ពេលនេះក្រុមគ្រួសារ​បានមក​ទទួល​យកក្មេងប្រុសរងគ្រោះទៅផ្ទះវិញហើយ៕

ប្រភព៖