ទីបំផុតស្រីស្អាត អាងខ្នង យកស្បែកជើងធ្វើរឿងនេះ ដាក់ប៉ូលីស​ ចេញមុខសុំទោសហើយ និងនិយាយថា «គ្រប់យ៉ាង ស្រាអ្នកនិយាយទេ»

ថៃ៖ កាលពីពេលថ្មីៗនេះ ​ក្រោយផ្ទុះកក្រើកបន្ទាប់ពីបានឃើញវី​ដេ​អូ​ឃ្លី​បរបស់នារីថៃម្នាក់ ដែល​ធ្វើ​ឲ្យ​អ្នកលេង​ហ្វេ​ស​ប៊ុ​ក​ក្នុង​ប្រទេស​ថៃ មានការ​រិះគន់​យ៉ាង​ខ្លាំងចំពោះសកម្មភាព ដែលស្រ្តីរូបនោះស្រវឹងស្រា​បាន​បើករថយន្ត​បញ្ច្រាសទិស​ដៅ ហើយ​ថែមទាំងដោះ​ស្បែកជើង​ទះកំផ្លៀង​ប៉ូលីស​ចរាចរណ៍ ដោយអះអាងថា “​ដឹង​ទេ​ថា​ខ្ញុំ​ជា​កូន​អ្នក​ណានោះ រហូតធ្វើឲ្យអ្នកលេងបណ្តាញសង្គមផ្ទុះការខឹងសម្បារជាខ្លាំង ចំពោះសកម្មភាពមួយនេះតែម្តង។

យ៉់ាងណាមិញ ដូចពាក្យមួយឃ្លាលើកឡើងថា ស្វាងតឹងស្រវឹងធូរ ក្រោយបានដឹងខ្លួន ស្រ្តីជាអ្នកប្រព្រឹត្តល្មើសរួម​នឹង​ម្តាយ បាន​ធ្វើ​ដំណើរ​មក​ធ្វើការសុំទោសសមត្ថកិច្ចដែលខ្លួនគម្រាមទះកំផ្លៀងនិងស្បែកជើង ​ដោយ​ថែមកាន់​កន្ត្រក​កាដូ សុំ​ការ​អភ័យទោស ដល់​លោក​វរសេនីយ៍ទោ Kittithat Pansamrong មេបញ្ជាការ​រង ការិយាល័យ​ចរាចរណ៍ និង​លោក​វរសេនីយ៍ទោ Chiraphat Sridech ស្នងការ​រង​ប៉ុស្តិ៍​នគរបាល​រដ្ឋបាល Khu Khot ដោយបាន​លើកដៃ​សំពះសុំទោស​លោក Kittithat ដោយ​បញ្ជាក់​ថាខ្លួនមិន​មាន​ចេតនា​នោះ​ទេ ហើយគ្រប់យ៉ាង ស្រាអ្នកនិយាយទេ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែទោះជាយ៉ាងណាក៏ដោយ ទង្វើដ៏អសីលធម៌មួយនេះ នៅតែត្រូវបានអ្នកលេងបណ្តាញសង្គមជាច្រើន ជាពិសេសនៅក្នុងប្រទេសនាំគ្នាធ្វើការថ្កោលទោស និងសុំឲ្យស្រ្តីជាអ្នកប្រព្រឹត្តល្មើសនោះចេញមុខសុំទោសជាសាធារណ:ថែមទៀតផង៕

• ជីវិត
• រូបភាព