ហានិភ័យ! មនុស្ស៥នាក់ ឆ្លងមេរោគកូវីដបម្លែងថ្មីអូមីក្រុង បន្ទាប់ពីប៉ះអ្នកជំងឺនៅខេត្តកំពត

រាជធានីភ្នំពេញ÷ កាលពីថ្ងៃទី ១១ ខែមករា ២០២២ កន្លងទៅនេះ ថ្លែងមានប្រសាសន៍នៅក្នុងបទសម្ភាសន៍មួយជា មួយអ្នកសារព័ត៌មានលោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការនៃក្រសួងសុខាភិបាល បានថ្លែង បានឱ្យដឹងថា តាមរយៈការស្រាវជ្រាវ របស់ក្រសួងសុខាភិបាល បានរកឃើញអ្នកឆ្លងជំងឺកូវីដ-១៩ ប្រភេទអូមីក្រុងចូលក្នុងសហគមន៍ចំនួន ១៤ ករណីហើយ។ ក្នុងនោះផងដែរ យើងបានរកឃើញមនុស្ស ៥នាក់វិជ្ជមានវីរុសនេះ ដែលមានជាប់ពាក់ព័ន្ធជាមួយនឹងបុរសវ័យ ២៣ឆ្នាំ ជាករណីប្រកាសដំបូងគេក្នុងសហគមន៍ ដែលពួកគាត់រស់នៅតានី ទូកមាស ក្នុងភូមិសាស្ត្រខេត្តកំពត។

អាស្រ័យដូចដែលបានជម្រាបជូនខាងលើនេះ សូមពុកម៉ែ បងប្អូន និងប្រជាពលរដ្ឋទាំងអស់មេត្តាជ្រាបជាព័ត៌មាន និងចូលរួមអនុវត្តវិធាន៣ការពារ និង៣កុំ ដើម្បីកាត់ផ្តាច់ខ្សែចម្លងមេរោគកូវីដ១៩នៅក្នុងព្រះរាជាណាចក្រកម្ពុជា៕

• រូបភាព