វៀតណាម៖ បុរសជនជាតិវៀតណាមម្នាក់ នៅទីក្រុង Da Nang ត្រូវបានឃុំខ្លួន បន្ទាប់ពីបានលួចលុយប្រហែល ១.១ ពាន់លានដុង ស្មើនឹង ៤៨,៤៥៨ ដុល្លារ ពីគូស្នេហ៍របស់ខ្លួន ហើយប្រគល់ឱ្យប្រពន្ធ។
ក្នុងនោះ ប៉ូលីសស្រុក Thanh Khe បាននិយាយ កាលពីថ្ងៃអង្គារថា បុរសឈ្មោះ Luu Manh Tuan អាយុ ៣២ឆ្នាំ កំពុងត្រូវបានស៊ើបអង្កេត សម្រាប់ការកាន់កាប់ទ្រព្យសម្បត្តិដោយប្រើបណ្តាញកុំព្យូទ័រ បណ្តាញទូរគមនាគមន៍ ឬឧបករណ៍អេឡិចត្រូនិក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួររំលឹកផងដែរថា ដើមឡើយ Tuan បានជួបស្រីស្នេហ៍ឈ្មោះHoa អាយុ៣១ឆ្នាំ តាមអ៊ីនធឺណិត កាលពីខែធ្នូ ឆ្នាំ២០២១។ បន្ទាប់ពីទំនាក់ទំនងបានកន្លះខែ Hoa ដែលរស់នៅខេត្ត Yen Bai ភាគខាងជើង បានស្រលាញ់គ្នាជាមួយ Tuan ហើយអ្នកទាំងពីរបានយល់ព្រមជួបគ្នានៅ Da Nang ។ពួកគេបានស្នាក់នៅសណ្ឋាគារមួយក្នុងស្រុក Thanh Khe ។ ក្នុងអំឡុងពេលនោះ អ្នកនាង Hoa បានបើកគណនីធនាគារតាមប្រព័ន្ធអ៊ីនធឺណែត ដើម្បីដាក់ប្រាក់ចំនួនជាង ១.១ ពាន់លានដុង។ Tuan បានមើលឃើញ Hoa បើកគណនីរបស់នាង ហើយចងចាំព័ត៌មានលម្អិត រួមទាំងពាក្យសម្ងាត់កុងធនាគាររបស់នាងផងដែរ។ នៅថ្ងៃទី ៤ខែមករា Tuan បានខ្ចីទូរស័ព្ទរបស់គូស្នេហ៍របស់ខ្លួន ដោយនិយាយថាលោកត្រូវការទាញយកកម្មវិធីមួយ។ អ្នកនាង Hoa បានឱ្យទូរស័ព្ទរបស់នាងទៅ Tuan ហើយបន្ទាប់មកចូលគេង។
Tuan បានប្រើទូរស័ព្ទរបស់ Hoa ដើម្បីចូលទៅក្នុងគណនីរបស់នាង បន្ទាប់មកបានផ្ញើប្រាក់ទាំងអស់នៅក្នុងកុងរបស់ Hoa ទៅឱ្យប្រពន្ធរបស់ខ្លួន។ លោកថា ភរិយារបស់លោកបានប្រើប្រាស់ប្រាក់ចំនួន ១៨៥ លានដុង ដើម្បីសងបំណុល ដោយដាក់ ៥០០ លានដុងទៅក្នុងគណនីសន្សំ និងដកចេញជាសាច់ប្រាក់ចំនួន ៤៤៣ លានដុង។
នៅព្រឹកបន្ទាប់ Tuan បាននិយាយថា គាត់ត្រូវទៅពិនិត្យរោគ និងបិទប្រព័ន្ធទំនាក់ទំនងទាំងអស់។ Tuan មិនបានត្រឡប់ទៅសណ្ឋាគារនោះទេ ដូច្នេះ Hoa មានការសង្ស័យ។ នៅពេលដែលនាងបានពិនិត្យគណនីធនាគាររបស់នាងម្តងទៀត នាងត្រូវបានគេចាក់សោរចេញ ដោយសារតែពាក្យសម្ងាត់ដើមរបស់នាងបានផុតកំណត់។
នៅពេលដែល Hoa បានទៅធនាគារនៅថ្ងៃទី ៦ ខែមករា នាងត្រូវបានគេជូនដំណឹងថា ប្រាក់របស់នាងត្រូវបានផ្ទេរទៅគណនីមួយផ្សេងទៀត។ បន្ទាប់មកនាងបានរាយការណ៍ពីហេតុការណ៍នេះទៅប៉ូលិស។Tuan ត្រូវបានចាប់ខ្លួន ពេលស្នាក់នៅសណ្ឋាគារមួយក្នុងសង្កាត់ Go Vap ទីក្រុងហូជីមិញ។ ប្រពន្ធរបស់ Tuan ក៏ត្រូវបានតុលាការ កោះហៅផងដែរ។រហូតមកដល់ពេលនេះ ប៉ូលិសប្រមូលបាន៧៧០លានដុង។ ការស៊ើបអង្កេតកំពុងបន្ត៕
ប្រភព៖ VN express
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
