យកចិត្តណាស់ Ronaldo នាំប្រពន្ធដើរលេង ជះលុយជួលយន្តហោះផ្ទាល់ខ្លួន

បរទេស៖ ថ្មីៗ យោងតាមប្រភពសារព័ត៌មានបរទេសមួយ បានរាយការណ៍ឲ្យដឹងថា កំពូលកីឡាករបាល់ទាត់ លោក Ronaldo និងមិត្តស្រី នាង Georgina Rodriguez ដែលកំពុងតែមានផ្ទៃពោះនោះ  បានជិះយន្តហោះ ទៅ Madrid ដើម្បីកម្សាន្តយ៉ាងសប្បាយរីករាយ និងចំណាយពេលមួយយប់នៅសណ្ឋាគារប្រណីតមួយយ៉ាងរ៉ូមែនទិកជាមួយគ្នា។

ក្នុងនោះដែរ តាមប្រភពមួយនេះ បានលើកឡើងថា គូស្នេហ៍មួយគូនេះ បានហោះហើរទៅកាន់ រដ្ឋធានីអេស្ប៉ាញ ដែលជាកន្លែងដែល លោក Ronaldo ជាម្ចាស់វិមានមួយ មានតម្លៃ ៤.៨ លានផោន (ប្រមាណ ៦,៥ លានដុល្លារ) ហើយ ការ​ធ្វើ​ដំណើរមួយ​នេះ​ត្រូវគេដឹងថា បានកើត​ឡើង​បន្ទាប់​ពី រូបលោក​បាន​រង​របួស និង​ខក​ខានការ​ប្រកួត​ជាមួយ Aston Villa ក្នុង​ជុំ​ទី​៣​ នៃ​ពាន FA Cup នៅ​ល្ងាច​ថ្ងៃ​ទី​ ១១ ខែ​មករាកន្លងទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត អ្វីដែលធ្វើឲ្យហ្វេនៗជាច្រើន កាន់តែចាប់អារម្មណ៍នឹងគូស្នេហ៍អ្នកទាំងពីរនោះគឺ លោក Ronaldo និង មិត្តស្រី បានប្រើយន្តហោះឯកជន ដែលមានតម្លៃ ២០ លានផោន (ប្រមាណ ២៧ លានដុល្លារ) របស់ CR7 ដើម្បីចាកចេញពីចក្រភពអង់គ្លេស។ ជាពិសេស គូស្នេហ៍អ្នកទាំងពីរ ថែមទាំង បាន​ញ៉ាំ​អាហារ​ពេល​ល្ងាចយ៉ាងរ៉ូមែនទិក ​នៅ​ភោជនីយដ្ឋានដ៏ល្បី​ ផងដែរ៕ 

ប្រភព៖ Ngoisao.net

សូមទស្សនារូបភាពខាងក្រោម៖​