កាហ្វេជាភេសជ្ជៈដ៏ពេញនិយមមួយ ដែលជួយបង្កើនកម្រិតថាមពលដល់យើងយ៉ាងមានប្រសិទ្ធភាព ប៉ុន្តែវាក៏ផ្ដល់ផលប៉ះពាល់មួយចំនួនផងដែរ។ ពិតណាស់ ដោយសារតែកាហ្វេមានជាតិអាស៊ីដ ភេសជ្ជៈមួយប្រភេទនេះអាចធ្វើឲ្យយើងមានអាការៈចង្អោរបន្ទាប់ពីញ៉ាំអស់មួយពែង។
មូលហេតុដែលយើងមានអាការៈចង្អោរ ក្រោយញ៉ាំកាហ្វេរួច
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. ចាល់អាស៊ីដ
ដោយសារតែកាហ្វេមានផ្ទុកជាតិអាស៊ីដ វាអាចបង្កើនជាតិអាស៊ីដក្នុងក្រពះកាន់តែច្រើន ដែលអាចបង្កជាបញ្ហាក្រពះពោះវៀន ដូចជា ក្រហាយទ្រូង ចាល់អាស៊ីដ និងហើមពោះជាដើម។ យោងតាមអ្នកឯកទេសខាងចំណីអាហារបានឲ្យដឹងថា ដោយសារកាហ្វេអាចបង្កជាបញ្ហាចាល់អាស៊ីដ ទើបអ្នកដែលមានបញ្ហាចាល់អាស៊ីដរ៉ាំរ៉ៃ ងាយនឹងកើតមានអាការៈចង្អោរ បន្ទាប់ពីញ៉ាំកាហ្វេរួច។
២.ញ៉ាំកាហ្វេនៅពេលពោះទទេ
ទន្ទឹមនឹងនេះដែរ អ្នកដែលញ៉ាំកាហ្វេនៅពេលពោះទទេ ក៏អាចកើតមានអាការៈចង់ក្អួតដូចគ្នា ពីព្រោះកាហ្វេផ្ទុកអាស៊ីដខ្ពស់ ដែលនាំឲ្យស្រទាប់ក្រពះក្រហាយ ក៏ដូចជាបង្កជាអាការៈចង្អោរ។ រីឯជាតិកាហ្វេអ៊ីនដែលមាននៅក្នុងកាហ្វេ ជួយរំញោចការផលិតអាស៊ីដក្រពះ ដែលជាលទ្ធផលធ្វើឲ្យយើងកើតមានអាការៈឈឺពោះនៅពេលដែលអាស៊ីដក្រពះផលិតកាន់តែច្រើន។ លើសពីនេះ ក៏បណ្ដាលឲ្យយើងមានអារម្មណ៍ចង់ក្អួត។ ហេតុនេះហើយ គ្នាយើងគប្បីញ៉ាំកាហ្វេ បន្ទាប់ពីញ៉ាំអាហាររួច ទើបជាការប្រសើរ។
៣. ញ៉ាំថ្នាំជាក់លាក់មួយចំនួន
ចង្អោរជាផលរំខានទូទៅ នៅពេលដែលយើងប្រើថ្នាំមួយចំនួន ក៏ដូចជាឥទ្ធិពលរវាងជាតិកាហ្វេអ៊ីន និងថ្នាំជាក់លាក់ ដែលមានដូចជាថ្នាំប្រឆាំងនឹងបាក់តេរី ថ្នាំប្រឆាំងនឹងជំងឺបាក់ទឹកចិត្ត និងថ្នាំសម្រាប់អ្នកជំងឺហឺតជាដើម។
វិធីសាស្ត្របញ្ចៀសអាការៈចង្អោរក្រោយញ៉ាំកាហ្វេ
- ញ៉ាំកាហ្វេដែលមានជាតិអាស៊ីដទាប
- បន្ថែមទឹកដោះគោ ឬគ្រីមនៅក្នុងកាហ្វេ
- ញ៉ាំកាហ្វេនៅពេលញ៉ាំអាហារ ឬក្រោយពេលញ៉ាំអាហាររួច។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
