ខ្លោចចិត្ត! ក្មេងប្រុសម្នាក់ ​បាន​ឆ្លង​កូ​វី​ដ​ប្រភេទ អូ​មី​ក្រុង​ ពី​ម្តាយ

រាជធានី​ភ្នំពេញ៖ កាលពី​វេលា​ព្រលប់​យប់​ថ្ងៃ​ទី​១២ ខែមករា ឆ្នាំ​២០២២  ​ក្រុម​គ្រូពេទ្យ​ បានធ្វើតេស្ត​សំណាក​រក​ឃើញ​មាន​វិជ្ជមាន​កូ​វី​ដ​១៩ បំប្លែង​ថ្មី​អូ​មី​ក្រុង ( Omicron ) លើកុមារាម្នាក់ នៅក្នុងបុរីក្នុងភ្នំពេញមួយកន្លែង។ 

គួរជម្រាបថា កុមា​រា​ខាងលើ​មាន អាយុ​៦​ឆ្នាំ ស្នាក់​នៅ​ទីតាំង​ខាងលើ ។ តាម​ប្រភព​ពី​មន្ត្រី​នគរបាល បានអោយ​ដឹង​ថា កុមា​រា​ខាងលើ បាន​ឆ្លង​មេរោគ​បំប្លែង​ថ្មី អូ​មី​ក្រុង ពី​ស្ត្រី​ជា​ម្តាយបង្កើត អាយុ​៣៩​ឆ្នាំ ដែល​បាន​ពិនិត្យ​ឃើញ​មាន​វិជ្ជមាន កាលពី​ថ្ងៃ​ទី​០៦ ខែមករា ឆ្នាំ​២០២២ កន្លង​ទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បន្ទាប់ពីកុមារាខាងលើតេស្តឃើញលទ្ធផលវិជ្ជមានកូវីដប្រភេទអូមីក្រុង ត្រូវ​បាន​ក្រុម​គ្រូពេទ្យ​បង្អែក​ខណ្ឌ​ច្បារ​អំពៅ ដឹក​យក​ទៅ​សម្រាក​ព្យាបាល នៅ​មណ្ឌល​សុខភាព​ចាក់​អង្រែ​ក្រោម ជាមួយ​ស្ត្រី​ជា​ម្តាយ ។

បន្ទាប់ពីកុមារាខាងលើតេស្តឃើញលទ្ធផលវិជ្ជមានកូវីដប្រភេទអូមីក្រុង ត្រូវ​បាន​ក្រុម​គ្រូពេទ្យ​បង្អែក​ខណ្ឌ​ច្បារ​អំពៅ ដឹក​យក​ទៅ​សម្រាក​ព្យាបាល នៅ​មណ្ឌល​សុខភាព​ចាក់​អង្រែ​ក្រោម ជាមួយ​ស្ត្រី​ជា​ម្តាយ។

តាម​ប្រភព​មន្ត្រី​នគរបាល​បានឱ្យដឹងថា បច្ចុប្បន្ន​សមាជិកគ្រួសារ​ចំនួន​០៣​នាក់ របស់​កុមា​រា​ដែល​វិជ្ជមាន​វី​រុស​បំប្លែង​ថ្មី មាន​ឪពុក​បង្កើត​របស់​គេ និង​សាច់ញាតិ (​ស្រី​) ០២​នាក់​ទៀត កំពុង​តម្រូវ​អោយធ្វើ​ច​ត្តា​ឡី​ស័ក ដោយ​មានការ​ហ៊ុំ​ព័ទ្ធ​ទីតាំងនោះផងដែរ។

គួររំលឹកផងដែរថា គិតត្រឹមថ្ងៃទី ១២ ខែមករា កម្ពុជា បានប្រកាសរកឃើញករណីវិជ្ជមានអូមីក្រុង ប្រមាណជាង ២២០ ករណី ក្នុងនោះភាគច្រើន ជាករណីនាំចូលពីក្រៅប្រទេស និងជាង ១០ ករណី ជាឆ្លង កូវីដ-១៩ ប្រភេទបំប្លែងថ្មី អូមីក្រុង ជាង ១០ ករណីក្នុងសហគមន៍៕

ប្រភព៖ KSP