ឃើញជីវិតរីករាយ មិនស្មាន Cardi B ធ្លាប់ចង់​ធ្វើរឿងនេះ ព្រោះ​​ពាក្យ​ចចាម​អារ៉ាម​

បរទេស៖ កាលពីថ្ងៃទី ១៣ ខែមករា ២០២២នេះ យោងតាមប្រភពពី Billboard តារាស្រីរ៉េប Cardi B បានបង្ហាញខ្លួននៅតុលាការក្នុងរដ្ឋ Georgia សហរដ្ឋអាមេរិក។ តារា​រ៉េប​ស្រី​រូប​នេះ​បាន​ឆ្លើយ​នឹង​បញ្ហា​ជា​ច្រើន​ រួម​ទាំង​របួស​ផ្លូវ​ចិត្ត និង​ផ្លូវ​កាយ ទាក់​ទង​នឹង​ពាក្យ​បណ្ដឹង​របស់​នាង ប្ដឹងទៅកាន់ Youtuber នាង Tasha K។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះ បើតាមសម្ដី ​​Cardi B បន្ទាប់ពីត្រូវបាន Tasha K បរិហារកេរ្តិ៍ដោយប្រឌិតព័ត៌មានឯកជន នាងធ្លាប់បានសារភាពថា នាងចង់ធ្វើអ.ត្ត.ឃាតលើខ្លួនឯង ព្រោះធុញទ្រាន់នឹងអ្វីៗគ្រប់យ៉ាងក្នុងជីវិត។ លើសពីនេះ Cardi B ក៏កើតជំងឺឈឺក្បាលប្រកាំង ស្រកទម្ងន់ និងភ័យខ្លាចខ្លាំង មិនចង់សូម្បីមានទំនាក់ទំនងស្និទ្ធស្នាលជាមួយស្វាមីថែមទៀតផង។

យោងតាមប្រភព Billboard ដដែលបានរាយការណ៍ថា របាយការណ៍របស់ក្រុមហ៊ុនច្បាប់ Law360 នាង Tasha K បានសារភាពចំពោះមុខគណៈវិនិច្ឆ័យថា នាងបានប្រឌិតព័ត៌មានអំពី Cardi B ពិតមែន ព្រោះដើម្បីរកលុយបានច្រើន និងបង្កើនកេរ្តិ៍ឈ្មោះនៃអាជីវកម្មផ្ទាល់ខ្លួនរបស់នាង។

យ៉ាងណាមិញ ការកាត់ក្តីបន្ទាប់នឹងធ្វើឡើងនៅថ្ងៃទី ១៨ ខែមករា នេះហើយ។ ហើយ Cardi B ក៏កំពុងស្នើសុំឲ្យ Tasha K សុំទោសជាសាធារណៈ និងទូទាត់សងការខូចខាតប៉ះប៉ូវជំនឿចិត្ត និងត្រូវតែលុបវីដេអូប្រឌិតដែលបានបង្ហោះចោលទាំងអស់។

គួររំឮកផងដែរថា រឿងរ៉ាវនេះ បានកើតឡើងក្នុងឆ្នាំ ២០១៨ ដោយ Youtuber នាង Tasha K បានបង្ហោះព័ត៌មានមិនពិតជាច្រើនអំពី Cardi B ហើយក្នុងពេលតែមួយ នាងបានផ្សព្វផ្សាយវីដេអូរសើបជាច្រើនដែលមិនអាចមើលឃើញច្បាស់ តែបែរជាបញ្ជាក់ថាអ្នកនៅក្នុងវីដេអូនេះគឺជាតារាចម្រៀងរ៉េប Cardi B កាលពីនៅក្មេងទៅវិញ។ មិនតែប៉ុណ្ណោះ Youtuber រូបនេះ ថែមទាំងចោតប្រកាន់ថា Cardi B ថាធ្លាប់រកស៊ីផ្លូ.វ.ភេ.ទ និងមានជំងឺកា.មរោ.គជាប់ខ្លួនថែមទៀតផងដែរ៕

ប្រភព៖ zingnews.vn

• រូបភាព
• តារាអន្តរជាតិ