អភិបាលខេត្តកំពង់ស្ពឺ ផ្តល់រង្វាន់ម៉ូតូ Zoomer-X ដល់សិស្សនិទ្ទេសA ម្នាក់១គ្រឿង

ខេត្តកំពង់ស្ពឺ៖ លោក វ៉ី សំណាង អភិបាលខេត្តកំពង់ស្ពឺ នឹងផ្ដល់រង្វាន់ជា ម៉ូតូ Zoomer-X ដល់សិស្សនិទ្ទេស A ចំនួន៣៣នាក់ ម្នាក់១គ្រឿង។ អភិបាលខេត្តរូបនេះ បានបញ្ជាក់ថា រង្វាន់ម៉ូតូនេះ ជាកាដូលើកទឹកចិត្ត ចំពោះ ការខិតខំប្រឹងប្រែងរបស់បេក្ខជនប្រឡង ហើយវាក៏ជាមោទកភាពសម្រាប់សហគមន៍ផងដែរ។

ក្រោយពីចេញលទ្ធផលប្រឡងមធ្យមសិក្សាទុតិយភូមិ ឆ្នាំ២០២១ របស់សិស្សតាមបណ្ដាខេត្ត នៅព្រឹកថ្ងៃទី១៥ ខែមករានេះ លោក វ៉ី សំណាង បានប្រាប់ កាសែតថ្មីៗថា លោក នឹងផ្ដល់រង្វាន់ម៉ូតូ Zoom-X ដល់សិស្សនិទ្ទេស A ចំនួន៣៣នាក់ ម្នាក់១គ្រឿង ជាកាដូលើកទឹកចិត្ត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោក បញ្ជាក់ដូច្នេះថា៖

ទន្ទឹមនឹងនេះ លោក វ៉ី សំណាង ក៏លើកទឹកចិត្តដល់សិស្សទាំងអស់ឱ្យបន្តខិតខំប្រឹងប្រែងរៀនសូត្របន្ថែមផងដែរ។ ក្នុងនោះ លោក វ៉ី សំណាង បានបញ្ជាក់ថា លោកត្រូវតែធ្វើតាម​ការសន្យា ហើយ​រង្វាន់ទាំងនោះ ក៏មាន​ការចូលរួមពីសប្បុរសជន​នៅក្នុងខេត្ត​ផងដែរ។

សូមរំលឹកផងដែរថា នៅកំពង់ស្ពឺ បេក្ខជន​ប្រឡងបាក់ឌុបឆ្នាំ២០២១ មានចំនួន ​៤៥៥៥នាក់ (ស្រី ២៣៨០នាក់) ក្នុងនោះ អ្នកប្រឡង​ជាប់មានចំនួន​២៩៧៩នាក់ (ស្រី​១៧២២នាក់)។ ក្នុងចំណោមនិទ្ទេស​ A ទាំង៣៣នាក់ មាន​ស្រី២២នាក់ ប្រុស១១នាក់។

គួរជម្រាថា បើតាមក្រសួងអប់រំ យុវជន និងកីឡា បានឱ្យដឹងថា ឆ្នាំនេះ មានបេក្ខជនគ្រប់រាជធានី ខេត្ត ទទួលបាននិទ្ទេស A ចំនួន ១,៧៥៣ នាក់៕

ប្រភព៖ ថ្មីៗ