ក្រោយល្បីថា ធ្វេីបែបនេះដាក់ប្រពន្ធ Leehom បញ្ជាក់ភាពស្អាតស្អំដោយខ្លួនឯង

តៃវ៉ាន់៖ ថ្មីៗនេះ តារា​ចម្រៀង​តៃវ៉ាន់​ លោក Wang Leehom បានធ្វើសេចក្ថីបញ្ជាក់ តាម​រយៈ​មេធាវី​ដើម្បីបកស្រាយពី​មូល​ហេតុ​ នាំ​មនុស្សប្លែកមុខ ៣ នាក់​ មក​ផ្ទះ​ អតីត​ភរិយារបស់ខ្លួន ដែលជាហេតុធ្វើឲ្យអតីតភរិយារូប ចោទប្រកាន់ថាលោកកំពុងតែគម្រា.មកំហែង ដល់រូបនាង និងកូនៗ។ 

យ៉ាងណាមិញ នៅក្នុងសេចក្តីថ្លែងការណ៍មួយ ដែលបានផ្ញើទៅកាន់ប្រព័ន្ធផ្សព្វផ្សាយ តាមរយៈក្រុមហ៊ុនច្បាប់ លោក Wang Leehom បានលើកឡើងថា Lee Jinglei ដែលជាអតីតភរិយារបស់ខខ្លួន បានប្រែក្លាយការលែងលះរបស់ពួកគេ ទៅជាយុទ្ធនាការមិនពិត ការលាបពណ៌ព្យាបាទ និងការប្រឌិតដែលធ្វើឱ្យខូចខាត។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ ឯកសារ​ដែល​បាន​ផ្ញើ​ទៅ​ប្រព័ន្ធ​ផ្សព្វផ្សាយ​តៃវ៉ាន់​ ក៏បានបញ្ជាក់​ពី​មូលហេតុ​ដែល​លោក Wang Leehom នាំ​បុរស​បីនាក់ ​ទៅ​ផ្ទះ​អតីត​ភរិយា ដោយសារតែ មុន​នោះ ការ​កំណត់​អារម្មណ៍​របស់អតីតភរិយា ហាក់មិន​ស្ថិតស្ថេរនោះទេ ដូច្នេះហើយ ខាង​មេធាវី​បាន​សុំ​ឲ្យលោក ​កុំ​មក​មើល​កូន​តែ​ម្នាក់​ឯង។ លោក Wang Leehom និងជំនួយការរបស់ខ្លួន ក៏បានមកដល់ផ្ទះ ដោយនាំយកស្ករគ្រាប់ និងរបស់លេងសម្រាប់កូនៗទៀតផង។

ម៉្យាងវិញទៀត តារាចម្រៀងប្រុសរូបនេះ ក៏បានស្នើឱ្យអតីតភរិយារបស់ខ្លួន បិទកាមេរ៉ាទាំងអស់នៅក្នុងផ្ទះ ដើម្បីជៀសវាង ការធ្វើឱ្យមានការត្រួតពិនិត្យដោយមិនចាំបាច់ ប្រសិនបើរូបភាពត្រូវបានលាតត្រដាង។ ទោះជាយ៉ាងណា អតីតភរិយារូបនេះ បាននាំកូនទៅបន្ទប់ និងបានចាក់សោទ្វារ រារាំង មិនឲ្យតារាប្រុសរូបនេះឃើញនោះទេ។ ហើយ នាង​ក៏​បាន​បង្ហោះ​ ការ​ចោទប្រកាន់លើ​រូប​លោក​ ថាបាន​ដាក់​សម្ពាធ​លើខ្លួន បន្ទាប់​មក​ ក៏បាន​ទូរស័ព្ទ​ទៅ​ប៉ូលិស ​ដើម្បី​បង្ក​ឱ្យ​មាន​ចលាចល ។ ខណៈដែលខាង លោក Wang Leehom បាននិយាយថា ពេលនេះខ្លួន គ្រាន់តែចង់ផ្តោតលើការនៅជាមួយកូនៗដោយគ្មានឧបសគ្គ តែប៉ុណ្ណោះ៕ 

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាចិន