ហេតុតែគេស្អាត សៀវ ឡុងនី មិនផាត់មុខក៏ស្រស់

ចិន៖ ថ្មីៗនេះ តារាសម្ដែងចិនដ៏ល្បី Liu Yifei បានទាញយកចំណាប់អារម្មណ៍ពីអ្នកគាំទ្រជាច្រើន នៅពេលដែលនាងបានឈប់​សម្រាក​ពី​ ការងារ​ជា​បណ្ដោះអាសន្ន និង ​រីករាយ​ក្នុងការ​សម្រាក​លំហែ​កាយ​តែ​ម្នាក់​ឯង។

ក្នុងនោះដែរ តារាស្រីរូបនេះ បានបង្ហោះរូបថតនៅក្នុងហាងកាហ្វេ បង្ហាញសកម្មភាពអានសៀវភៅយ៉ាងស្ងៀមស្ងាត់ ហើយនេះ​ជា​កម្រង​រូបថត​ដំបូងរបស់នាង ដែលបានបង្ហោះ​លើ​ទំព័រ​ផ្ទាល់​ខ្លួន​ ចាប់តាំងពីដើមឆ្នាំមក។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ តាមរយៈរូបភាពទាំងនេះ Liu Yifei ហាក់មិនបានតុបតែងមុខមាត់អ្វីឡើយ ដោយបញ្ចេញនូវមុខទទេ និងទម្លាក់សក់វែង នៅក្នុងឈុតយ៉ាងសាមញ្ញធម្មតា ប៉ុន្តែបន្ទាប់ពីបានឃើញហើយ ទស្សនិកជនជាច្រើន បែរជាបានសរសើរនាងមិនឈប់ឈរ ជាមួយនឹងសម្រស់ និងភាពវ័យក្មេងរបស់នាង នៅអាយុ ៣៤ ឆ្នាំ ព្រមទាំងធ្វើឲ្យឈ្មោះរបស់តារាស្រីរូបនេះ បានចូលទៅក្នុងការស្វែងរកយ៉ាងក្តៅគគុកនៅលើ Weibo ដោយសារតែ នាងមិនបានបង្ហាញខ្លួននៅលើបណ្តាញសង្គម អស់រយៈជាយូរមកហើយ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាចិន