សូម្បីជប៉ុនក៏ទប់លែងជាប់ដែរ ២ថ្ងៃរកឃើញករណីកូវីដ ប្រភេទអូម៉េក្រុង ជាង២ម៉ឺនករណី

តូក្យូ៖ ទូរទស្សន៍ FNN បាននិយាយនៅថ្ងៃចន្ទ ទី១៧ ខែមករា ថា រដ្ឋាភិបាលរបស់ប្រទេសជប៉ុន បានចាប់ផ្តើមការពិភាក្សា ដើម្បីកំណត់ស្ថានភាពអាសន្នមួយ លើរដ្ឋធានីតូក្យូ និងតំបន់ជុំវិញរបស់ខ្លួន ក្នុងរយៈពេលមួយសប្តាហ៍។

ក្នុងនោះអភិបាលក្រុងតូក្យូ លោក Yuriko Koike បាននិយាយកាលពីថ្ងៃព្រហស្បតិ៍ថា រដ្ឋធានីនឹងស្នើសុំវិធានការបែបនេះ ប្រសិនបើការប្រើប្រាស់គ្រែសម្រាប់អ្នកជំងឺកូវីដ កើនឡើងដល់ ២០ ភាគរយ ដែលគេគិតត្រឹម ថ្ងៃអាទិត្យនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទៀតសោត តាមប្រភពដដែលបានបន្តទៀតថា ករណីប្រភេទអូមេក្រុង ត្រូវបានឆ្លងខ្លាំង កំពុងជម្រុញ ឱ្យមានការកើតឡើងវិញ នៃករណីឆ្លងកូវីដ ១៩ នៅក្នុងប្រទេសជប៉ុន ដែលករណីថ្មី នៅទូទាំងប្រទេសបានកើនឡើងលើសពី ២.៥០០០ ករណី ក្នុងរយៈពេលពីរថ្ងៃកន្លងមក ដែលជាកម្រិតមួយគួរឲ្យកត់សម្កាល់។

យ៉ាងណាមិញ រដ្ឋាភិបាល ក៏បានប្រកាសវិធានការបន្ទាន់មួយនៅក្នុងតំបន់ចំនួន ៣ ដែលរៀបចំកន្លែងយោធារបស់សហរដ្ឋអាមេរិក បន្ទាប់ពីវាបង្ហាញថាការផ្ទុះមេរោគ Omicron បានហក់ចូលទៅក្នុងសហគមន៍ ដែលគេកំពុង មានវិធានការ ការ​កាត់​បន្ថយ​ម៉ោង​ធ្វើ​ការ​ ក៏ដូចជាសម្រាប់​ភោជនីយដ្ឋាន ឬក៏បារជាដើម៕

ប្រភព៖ channelnewsasia

សូមទស្សនារូបភាពខាងក្រោម៖