មិនមែន Zhao Liying ទេណា តែតែងខ្លួនចឹងទៅ ឡើងដូចកូនភ្លោះ

ចិន៖ នៅក្នុងថ្ងៃនេះផ្ទាល់ បណ្តាញ​សង្គម​ចិន ​កំពុង​មាន​ការ​ភ្ញាក់​ផ្អើល ​ជា​មួយ​នឹង​រូបថតថ្មី​មួយ​ឈុត ដើម្បី​អបអរ​ខួប​កំណើត ​គម្រប់​៣០​ឆ្នាំ​របស់​តារា​ស្រី​ដ៏​ល្បី​ Yuan Bingyan ដែលតែងតែធ្វើឲ្យហ្វេនៗជាច្រើន មើលសឹងតែច្រឡំ ជាមួយនឹងតារាស្រី Zhao Liying ។ 

នៅក្នុងនោះដែរ តារាស្រី​រូប​នេះ​ បានធ្វើ​ឲ្យ​អ្នក​លេង​អ៊ីនធឺណិត ​នឹក​ស្មាន​មិន​ដល់​ពី​សម្រស់នាង ដោយបានជ្រើសរើសនូវស្ទាយ៍តែងខ្លួនដ៏ស្រស់ស្អាត ក្នុងឈុតអាវពណ៌ស បញ្ចេញស្នាមញញឹមភ្លឺស្វាង ដែលមើលទៅពិតជាមានភាពស្រដៀងគ្នាទៅនឹង Zhao Liying យ៉ាងខ្លាំង រហូតទាល់ហ្វេនៗមើលយ៉ាងលម្អិត ព្រមទាំងបានឃើញនូវសារ Happy Birthday ជាប់នឹងរូបថត។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ដោយសារតែ តារាស្រីទាំងពីរនាក់នេះ មានមុខមាត់សឹងតែដូចគ្នាទាំងស្រុង ព្រមទាំងបង្កភាព​ច្របូកច្របល់​ ជាពិសេស កាលពីមុននេះ រូបភាពមួយចំនួនរបស់ Yuan Bingyan ក៏បានធ្វើឲ្យមានការយល់ច្រឡំ និងត្រូវបានគេចោទប្រកាន់ម្តងហើយម្តងទៀតថា បានយកតម្រាប់តាម Zhao Liying ទាំងការស្លៀកពាក់ រហូតដល់ការតុបតែងមុខមាត់៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន