ប្ដីប្រពន្ធក្នុងរឿងបងប្អូនទាំង១០ ឲ្យហ្វេនៗច្រណែនជាមួយសុភមង្គលគ្រួសារដ៏កក់ក្ដៅ

ហុងកុង៖ គឺជាក្រុមគ្រួសារដ៏មានក្ដីសុខ ដែលតែងតែធ្វើឲ្យមហាជនជាច្រើន តាមដាន សម្រាប់ តារាប្រុស លោក Frankie Lam និងភរិយា Kenix Kwok បន្ទាប់ពីបានរួមរស់ជាប្ដីប្រពន្ធនឹងគ្នាអស់រយៈពេលជាច្រើនឆ្នាំ។

ថ្មីៗនេះដែរ លោក Frankie Lam និងភរិយា ក៏បានបង្កជាភាពភ្ញាក់ផ្អើល ជាមួយនឹងការបង្ហាញពីសកម្មភាពដ៏រីករាយសាជាថ្មីម្ដងទៀត នៅពេលដែលបានរៀបចំពិធីតូចមួយ ដើម្បីអបអរសាទរដល់ថ្ងៃខួបកំណើតគម្រប់ ១២ ឆ្នាំ របស់កូនស្រីបណ្ដូលចិត្តរបស់អ្នកទាំងពីរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ តាមរយៈការបង្ហាញមួយនេះ បានធ្វើឲ្យទស្សនិកជន មានការចាប់អារម្មណ៍យ៉ាងពិសេស ចំពោះកូនស្រីប្ដីប្រពន្ធមួយគូនេះ ដែលនាងគឺជា កូនស្រីតែម្នាក់គត់នៅក្នុងគ្រួសារ និងមានការ​មើលថែ​យ៉ាង​យកចិត្តទុកដាក់ពីឪពុកម្ដាយ ទៀតផង។ 

ម៉្យាងវិញទៀត បើនិយាយពីសម្រស់វិញ ឃើញថា កូនស្រីរបស់អ្នកទាំងពីរ ក៏មានភាពលេចធ្លោមិនធម្មតា ដោយត្រូវបានមនុស្សជាច្រើនមើលឃើញពីចំណុចទាក់ទាញ ដែលកូនស្រីដ៏ស្រស់សោភាមួយនេះ បានទទួល​ហ្សែន​ខ្ពស់​ ពីអ្នក​ម្តាយ​ ដែលមាន​រូប​រាង​ស្លីមស្អាត ផងដែរ៕ 

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាចិន