ហុងកុងនឹង ធ្វើបែបនេះ លើសត្វកណ្តុរ ជាង២ពាន់ក្បាល ក្រោយរកឃើញឆ្លងកូវីដ

ហុងកុង៖ ទីក្រុងហុងកុង កាលពីថ្ងៃអង្គារ បានជំរុញប្រជាជនកុំឱ្យថើបសត្វចិញ្ចឹម និងបានបញ្ជាឱ្យស.ម្លា.ប់សត្វកណ្តុរ ប្រមាណ ២,០០០ ក្បាល ដោយសារការព្រួយបារម្ភអំពីការឆ្លងរាលដាលកូវីដ១៩។

ទីក្រុងហុងកុង បានប្រកាសពីការស.ម្លា.ប់ បន្ទាប់ពីសត្វកកេរចំនួន ១១ ក្បាលដែលនាំចូលពីប្រទេសហូឡង់ បានធ្វើតេស្តវិជ្ជមានកូវីដ១៩នៅហាងលក់សត្វចិញ្ចឹមមួយកន្លែង។​ នេះបើយោងតាមសារព័ត៌មានក្នុងស្រុក RTHK ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ភ័ស្តុតាងបង្ហាញថា សត្វកណ្តុរត្រូវបានតេស្តឃើញថា ឆ្លងមេរោគកូវីដ១៩។ លោក Leung Siu-fai ប្រធាននាយកដ្ឋានកសិកម្ម ជលផល និងអភិរក្សរបស់ហុងកុង បាននិយាយថា វាមិនអាចទៅរួចទេក្នុងការដាក់ឱ្យនៅដាច់ពីគេ និងសង្កេតមើលពួកវានីមួយៗ ហើយរយៈពេលភ្ញាស់របស់វាអាចមានរយៈពេលយូរថែមទៀត។

ហាងលក់សត្វចិញ្ចឹម និងម្ចាស់ ត្រូវបានណែនាំឱយប្រគល់សត្វកណ្តុររបស់ពួកគេទៅឱយអាជ្ញាធរ ដើម្បីកាត់ផ្តាច់ការឆ្លងនៅក្នុងសហគមន៍។អ្នក​ដែល​មាន​សត្វ​ចិញ្ចឹម​ក៏​ត្រូវ​បាន​ជំរុញ​ឱ្យ​ប្រើ​ការ​ប្រុង​ប្រយ័ត្ន​ក្នុង​ការ​គ្រប់គ្រង​សត្វ​របស់​ពួក​គេ​ផង​ដែរ។

លោក Leung បានប្រាប់អ្នកយកព័ត៌មានថា "ម្ចាស់សត្វចិញ្ចឹមគួរតែរក្សាការអនុវត្តអនាម័យល្អ រួមទាំងការលាងដៃ បន្ទាប់ពីប៉ះសត្វ ចាត់ចែងអាហារ ឬរបស់របរផ្សេងទៀត និងជៀសវាងការថើបសត្វរបស់ពួកគេ"។

បើតាមកាសែត Washington Post បានរាយការណ៍ថា ករណីទាំងនេះត្រូវបានតាមដានទៅកាន់ហាងលក់សត្វចិញ្ចឹម Little Boss ដែលជាកន្លែង មានបុគ្គលិកស្រី អាយុ ២៣ឆ្នាំម្នាក់ ក្នុងពេលតែមួយបានធ្វើតេស្តវិជ្ជមានកូវីដ១៩ ផងដែរ។អ្នកទិញសត្វកណ្តុរ បន្ទាប់ពីថ្ងៃទី២២ខែធ្នូ ឆ្នាំ២០២១ ត្រូវបានណែនាំឱ្យប្រគល់សត្វចិញ្ចឹមទៅអាជ្ញាធរ៕

ប្រភព៖ New York Post