ខេត្តបន្ទាយមានជ័យ÷ ខណ:ពេលដែលរដូវកាលចូលឆ្នាំប្រពៃណីចិនខិតចូលមកដល់ តម្លៃហាងឆេងជ្រូកខ្វៃក៏កំពុងតែបម្រុងនឹងឡើងដែលនោះ ស្រាប់តែកាលពីថ្ងៃទី១៧ ខែមករា ឆ្នាំ២០២២កន្លងទៅនេះ សមត្ថកិច្ចចម្រុះ រួមមានទាំងមន្ត្រីការិយាល័យផលិតកម្មនិងបសុព្យាបាល នៃមន្ទីរកសិកម្មខេត្តបន្ទាយមានជ័យ កម្លាំងនគរបាលស្រុកអូរជ្រៅ និងកម្លាំងយោធាស្រុកអូរជ្រៅ ព្រមទាំងលោកមេឃុំអូរបីជាន់ បានដឹកនាំសម្របសម្រួលដោយលោក លឹម ប៊ុនសុភ័ក្ត្រ ព្រះរាជអាជ្ញារងខេត្ដបន្ទាយមានជ័យ រួមសហការគ្នា បង្ក្រាបទីតាំងនាំសត្វជ្រូកចូលខុសច្បាប់ពីប្រទេសថៃ ដែលមានទាំងជ្រូករស់ និងជ្រូកធ្វើរួច ដោយចុះបង្ក្រាបដល់ទីតាំងតែម្តង នៅចំណុចភូមិបន្ទាយថ្មី ឃុំអូរបីជាន់ ស្រុកអូរជ្រៅ ខេត្ដបន្ទាយមានជ័យ ។
យ៉ាងណាមិញ យោងតាមកម្លាំងជំនាញនៃ ខេត្ដបន្ទាយមានជ័យ បានឲ្យដឹងថា ដើម្បីទប់ស្កាត់ការលួចនាំចូលផលិតផល មានដើមកំណើតពីសត្វដោយខុសច្បាប់ពីប្រទេសជិតខាង មន្ត្រីការិយាល័យផលិតកម្ម និងបសុព្យាបាល នៃមន្ទីរកសិកម្មខេត្តបន្ទាយមានជ័យ បានចុះបង្ក្រាបជាក់ស្ដែងទីតាំងមួយកន្លែង ដែលលួចនាំចូលសត្វជ្រូកដោយខុសច្បាប់ពីប្រទេសថៃ ដែលមានម្ចាស់មានឈ្មោះថា តាំ ជ័យ ភេទប្រុស អាយុ៤០ឆ្នាំ ស្នាក់នៅបណ្ដោះអាសន្ន នៅភូមិអូរបី ជាន់ឃុំអូរបីជាន់ ស្រុកអូរជ្រៅ ខេត្ដបន្ទាយបន្ទាយមានជ័យ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ នៅក្នុងប្រតិបត្តិការបង្ក្រាបនោះដោយហេតុថាដោយម្ចាស់ទីតាំង បានដឹងខ្លួនមុន ហើយបានគាស់ទ្រុង ប្រលែងសត្វជ្រូករស់ប្រមាណជា៧០ក្បាល ឲ្យរត់ចូលក្នុងព្រៃអស់ ទំនងជាដើម្បីបំបាត់ភស្តុតាង ហើយម្ចាស់ទីតាំងឈ្មោះតាំ ជ័យ ក៏បានរត់គេចខ្លួនបាត់ស្រមោលដែរ ។ ជាមួយគ្នានោះ សមត្ថកិច្ចចម្រុះ បានឆែកឆេរទីតាំងនោះ រកឃើញសត្វជ្រូកដែលធ្វើរួច ចំនួន០៩ក្បាល បន្លំធ្វើជាជ្រូកកណ្តុរ ដែលកំពុងពេញនិយមបរិភោគតែម្តង៕
ចង់ជ្រាបកាន់តែច្បាស់ សូមទស្សនារូបភាពខាងក្រោមនេះ÷
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
