ចូលរួមសោកស្តាយ! ឌីជេ កណ្តោរ មានទុក្ខជាទម្ងន់ ដោយបងស្រី ទទួលមរណភាពដោយសារ....

រាជធានីភ្នំពេញ៖ នៅមុននេះបន្តិច មហាជនផ្ទុះការភ្ញាក់ផ្អើល និងសម្តែងការសោកស្តាយពន់ពេក ក្រោយបានទទួលដំណឹងថា បងស្រីបង្កើតរបស់ឌីជេ កណ្តុរ បានទទួលមរណភាពហើយនាថ្ងៃនេះ ដោយសារតែគ្រោះថ្នាក់ចរាចរណ៍។ នេះបើតាមការបង្ហោះរបស់នាយ ឆ្អឹង នៅលើបណ្តាញសង្គម។ គួរជម្រាបថា ហេតុការណ៍គ្រោះថ្នាក់ចរាចរណ៍នេះ បានកើតឡើង នៅក្នុងភូមិព្រៃក្នេស ឃុំព្រៃក្នេស ខេត្តព្រៃវែង​។

ក្រោយពីបានទទួលដំណឹង អ្នកគាំទ្រ គោរពស្រលាញ់ បានចូលរួមសម្តែងការសោកស្តាយ និងរំលែកមរណទុក្ខដ៏ក្រៀមក្រំនេះ គ្រប់ៗគ្នាផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក បើតាមការរបស់ នាយ កណ្ដុរ ប្រាប់​ កាសែត តារាញូស៍​ នៅរសៀល​ថ្ងៃ​ទី១៩ ខែមរា ឆ្នាំ២០២២ នេះបានឱ្យដឹងថា បងស្រីរបស់លោកត្រូវបានគេបុកពីក្រោយ និងបណ្ដាល​ឱ្យប៉ះ​ពាល់​ដល់តម្រងនោម និងក្បាលធ្ងន់ធ្ងរ រហូតបាត់បង់ជីវិត ​នៅវេលា​ម៉ោង​០៩ព្រឹក ថ្ងៃទី១៩នេះ។

ក្នុងនោះ ឌីជេ កណ្តុរ បន្តថា ក្រោយគ្រោះថ្នាក់ចរាចរណ៍កើតឡើងចំពោះបងស្រី លោកបានបែរបន់សុំវត្ថុសក្តិសិទ្ធក្នុងលោក ជួយថែរក្សាបងស្រី ក្នុងកំឡុងការជួយសង្រ្គោះបន្ទាន់របស់គ្រូពេទ្យ ព្រោះក្រៅពីម្តាយ លោកមានបងស្រីតែម្នាក់គត់។ តែជាអកុសល ព្រោះស្ថានភាពគ្រោះថ្នាក់ប៉ះទង្គិចធ្ងន់ធ្ងរខ្លាំង ទើបគ្រូពេទ្យ មិនអាចជួយសង្គ្រោះដល់បងស្រីរបស់លោកបាន៕