ធ្លាប់តែមានរាងធាត់ហើយទាប តារាកំប្លែង Jo Se Ho ប្រែរូប ក្លាយជាបុរសសង្ហាសាច់ដុំកង់ៗ

សេអ៊ូល៖ បុគ្គល​ទូរទស្សន៍ដ៏ល្បីដែលស្គាល់ជាតារាកំប្លែង ក៏ដូចជាពិធីករលោក Jo Se Ho ត្រូវ​បាន​គេ​ស្គាល់​ថា​មាន​រូប​រាង​មានសាច់ ​ក្នុង​រយៈ​ពេល​ជា​ច្រើន​ឆ្នាំមកនេះ។ ទោះជាយ៉ាងណាក៏ដោយ ប៉ុន្មានឆ្នាំចុងក្រោយ Jo Se Ho បានសម្រេចចិត្តតមអាហារ ហើយចាប់ផ្តើមស្រកបន្តិច។

រហូតមកដល់ពេលនេះ Jo Se Ho បានស្រក​ទម្ងន់​បណ្តើរៗ ហើយ​បង្ហាញ​ខ្លួន​ម្តងបន្តិច ៗ តាម​កញ្ចក់​ទូរទស្សន៍​ជាមួយនឹងរូបរាងរាង​ស្ដើង​ជាង​មុន ដែលទទួល​បាន​ការ​ចាប់​អារម្មណ៍ និង​សរសើរ​ពី​អ្នក​និយមលេងអ៉ីនធឺណែតទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្តែងថ្មីៗនេះ តារាប្រុសរូបនេះ បានធ្វើឱ្យអ្នកគាំទ្ររបស់លោកមានការចាប់អារម្មណ៍សារជាថ្មីម្តងទៀត នៅក្នុងរូបថតថ្មី ដែលបានបង្ហោះលើបណ្តាលសង្គម នៃគណនីផ្ទាល់ខ្លួនរបស់លោក បង្ហាញរូបរាងថ្មី មិនត្រឹមតែស្លឹមនោះទេថែមទាំងមានសាច់ដុំផងដែរ។

យោងតាមរូបភាព Jo Se Ho បានបង្ហាញសាច់ដុំដៃ និងជើងរបស់លោក ដែលមើលទៅពិតជាខុសគ្នាខ្លាំងតែម្តង ជាមួយរូបរាងរបស់លោក កាលពីមុន ដោយទទួលបានការទះដៃអបអរសាទរពីគ្រប់គ្នា នៃលទ្ធផលជាទីគាប់ចិត្ត ដែលតារាប្រុសរូបនេះ ខំប្រឹងអស់រយៈពេលប៉ុន្មានឆ្នាំចុងក្រោយនេ៕

ប្រភព៖ Allkpop

សូមទស្សនារូបភាពខាងក្រោម៖

• តារាកូរ៉េ