នារីម្នាក់ ផ្តាំផ្ញើដល់យុវជនជំនាន់ក្រោយ កុំបាក់ទឹកចិត្ត ទោះបីជាជួបរឿងទាំងនេះក៏ដោយ

ភ្នំពេញ៖ នាពេលថ្មីៗនេះ មាននារីម្នាក់ចែករំលែករឿងរ៉ាវផ្ទាល់ខ្លួនទៅកាន់មហាជនមួយចំនួន ជាពិសេសក្មេងជំនាន់ក្រោយ ដែលកំពុងជួបរឿងពិបាកកុំឱ្យបាក់ទឹកចិត្ត និងស្វែងរកដំណោះស្រាយដូចខ្លួនផងដែរ។

ដោយឡែក នារីដែលជាអ្នកនិពន្ធសៀវភៅឈ្មោះថា គីម ឌីណា បានចែករំលែកពីបទពិសោធន៍ជិវិតពិតៗដែលខ្លួនធ្លាប់ឆ្លងកាត់ និងជាមេរៀនមួយដែលអាចឱ្យកញ្ញាអាចឈានមកដល់ចំណុចមួយផ្សេងទៀតដែលខ្លួនមិនដែលនឹកស្មានដល់ថា៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ខ្ញុំចប់បាក់ឌុបឆ្នាំ ២០០៨ បាននិទ្ទេស D។
ខ្ញុំប្រឡងជាប់ តែចប់ក្តីសង្ឃឹម ព្រោះអ្នកផ្ទះអត់មានលុយឱ្យរៀនសាកល។
ខ្ញុំត្រូវទុកពេលចោលទំនេរ ១ ឆ្នាំ ហើយក្នុងពេលនោះ ខ្ញុំទៅធ្វើជាអ្នកលក់ខោអាវឱ្យមិត្តរួមថ្នាក់របស់បងស្រី។
ពេលលក់ខោអាវ ខណៈមិត្តរបស់ខ្ញុំបានចូលរៀនសឹងតែគ្រប់គ្នា ខ្ញុំចិញ្ចឹមចិត្តថាខ្ញុំនឹងចូលរៀនសាកលឱ្យបាន។
ខាតពេលមួយឆ្នាំមែន តែដល់ពេលបានចូលសាកល ខ្ញុំក៏បានរៀនសាលាពីរក្នុងពេលតែមួយ។ សាលាមួយ ជីដូនមួយប៉ាជួយលុយរៀនជិតពីរឆ្នាំ ខណៈសាលាទី ២គឺអាហារូបករណ៍និស្សិតក្រីក្រ។
តាំងពីពេលនោះមក ខ្ញុំតែងប្រាប់ខ្លួនឯងថា អ្វីក៏ដោយកើតឡើងសុទ្ធតែមានហេតុផល។ ហេតុផលនោះនឹងនាំខ្ញុំទៅជួបរឿងល្អៗ ជាងរឿងដែលខ្ញុំកំពុងជួប។
រឿងដែលខ្ញុំស្តាយបំផុតពេលរៀនសាកល គឺខ្ញុំអានមិនបានគ្រប់គ្រាន់ ប្រឹងមិនទាន់អស់ពីលទ្ធភាព និងមិនបានជាប់អាហារូបករណ៍ទៅបរទេស (តែពេលរៀនសាកល ខ្ញុំរៀនពូកែជាងពេលនៅក្មេងឆ្ងាយណាស់) ។ តែខ្ញុំប្រាប់ខ្លួនឯងថា បើមិនបានទៅក្នុងនាមជានិស្សិត ក៏គង់បានទៅក្នុងនាមជាអ្នកទេសចរនៅថ្ងៃណាមួយ។
បកមករឿងតែងនិពន្ធវិញ បើសរុបពីការដាក់ស្នាដៃប្រឡងវិញ គឺខ្ញុំសឹងតែពុំដែលជាប់នឹងគេសោះ។ តែខ្ញុំបែរជាមានឱកាសបោះពុម្ពសៀវភៅរាល់ឆ្នាំហើយអាចថាស្នាដៃមានការទទួលស្គាល់ពីអ្នកអានខ្លះដែរ។
បើនិយាយពីការសរសេរភាពយន្តវិញ ទោះមិនទាន់បានច្រើន តែខ្ញុំក៏អាចមានឱកាសសរសេរឱ្យផលិតកម្ម និងទូរទស្សន៍ ដូចមិត្តអ្នកអានដឹងស្រាប់។
កន្លែងខ្លះ ការងារខ្លះ ខ្ញុំប្រឹងស្ទើរស្លាប់ តែពុំបានផល ហើយបែរជាទទួលបានឱកាស(ដ៏កម្រ)ផ្សេងនៅកន្លែងផ្សេង ដោយងាយស្រួល ខណៈមនុស្សជាច្រើនប្រាថ្នាចង់បាន។
អាចជាសំណាង តែខ្ញុំគិតថា អាកប្បកិរិយា, ការបន្ទាបខ្លួន, ព្យាយាមធ្វើការ និង សមត្ថភាព គឺជាអ្វីដែលជួយកសាងសំណាងឱ្យខ្ញុំ។
ជាថ្មីម្តងទៀត ខ្ញុំចង់ប្រាប់អ្នកដែលកំពុងតែអានអត្ថបទនេះថា ហើយក៏រឿងដែលអ្នកអានឮច្រើនដែរ នោះគឺ កែអតីតមិនបាន តែបើខិតខំក្នុងពេលបច្ចុប្បន្ន រស់ក្នុងពេលបច្ចុប្បន្នឱ្យល្អបំផុត នោះអនាគតវាចេះចាត់ចែងខ្លួនវាហើយ ហាហាហា
ពេលនេះគ្មានទ្រព្យអ្វីជាដុំកំភួនទេ តែបេីធៀបនឹងអតីតគឺអាចហៅថាមិននឹកថាមានថ្ងៃនេះទេ។ ដូច្នេះ ខ្ញុំពិតជាមានមោទនភាពនឹងខ្លួនឯងណាស់!

គីម ឌីណា

ប្រភព៖ Kim Dyna

សូមចូលទស្សនារូបភាពខាងក្រោម៖

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

នារីម្នាក់ ផ្តាំផ្ញើដល់យុវជនជំនាន់ក្រោយ កុំបាក់ទឹកចិត្ត ទោះបីជាជួបរឿងទាំងនេះក៏ដោយ

In Case You Missed It