ពលរដ្ឋចិនហុងកុង ស័គ្រ្មចិត្តយកកណ្តុរមកចិញ្ចឹម កំឡុងពេលមានការភ័យការខ្លាចឆ្លងកូវីដ១៩

ហុងកុង៖ ពលរដ្ឋទីក្រុងហុងកុងរាប់ពាន់នាក់ កាលពីថ្ងៃពុធ ទី១៩ ខែមករា ឆ្នាំ២០២២នេះ បានស្ម័គ្រចិត្ត យកសត្វកណ្តុរដែលគេបោះបង់ចោលមកចិញ្ចឹម បន្ទាប់ពីមានការបញ្ជាសម្លាប់សត្វទាំងនោះ ពីសំណាក់រដ្ឋាភិបាល ជុំវិញការភ័យខ្លាចការឆ្លងកូវីដ១៩ ដោយមានការបារម្ភថា ម្ចាស់ដែលភ័យស្លន់ស្លោនឹងបោះបង់ចោលសត្វចិញ្ចឹមរបស់ពួកគេ។

ក្នុងនោះ កាលពីថ្ងៃអង្គារនេះ អាជ្ញាធរ បានបញ្ជាសម្លាប់ សត្វកណ្តុរជាង ២,០០០ក្បាល ពីហាងលក់សត្វចិញ្ចឹម និងកន្លែងស្តុកទុករាប់សិបកន្លែង បន្ទាប់ពីតាមដានរកឃើញករណីវិជ្ជមានកូវីដ១៩ លើបុគ្គលិក នៅក្នុងហាងលក់សត្វចិញ្ចឹម Little Boss ជាកន្លែងដែលមានសត្វកណ្តុរ ១១ ក្បាល ត្រូវបានគេធ្វើតេស្តឃើញ វិជ្ជមានកូវីដ១៩។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តែយ៉ាងណា អ្នកវិទ្យាសាស្ត្រ ជុំវិញពិភពលោក និង អាជ្ញាធរសុខាភិបាលហុងកុង និង ពេទ្យសត្វបាននិយាយថា គ្មានភស្តុតាងណាមួយដែលបង្ហាញថាសត្វមានតួនាទីសំខាន់ក្នុងការចម្លងវីរុសកូវីដ-១៩ របស់មនុស្សនោះទេ៕

ប្រភព៖ CNA