ធ្លាប់តែត្រូវគេរិះគន់ ម្ដងនេះ សូម្បីរូបភាពខាងក្រៅ សៀវ ឡុងនី បង្ហាញសម្រស់ដូចទេពធីតា

ចិន៖ នៅ​រសៀល​ថ្ងៃ​ទី ២០ ខែ​មករាកន្លងទៅ តារាសម្ដែងស្រី Liu Yifei បាន​ទទួល​យក​ការ​អញ្ជើញ​ឱ្យ​ចូល​រួម​កម្មវិធី​ផ្សព្វផ្សាយ​ម៉ាក​យីហោ​ដ៏​ពេញ​និយមមួយ ដែលអាចនិយាយបានថា នេះជាព្រឹត្តិការណ៍ដំបូងក្នុងឆ្នាំ ២០២២ ដែលនាងចូលរួម ព្រមទាំងជាមូលហេតុធ្វើឲ្យហ្វេនៗជាច្រើន យកចិត្តទុកដាក់ខ្លាំងចំពោះការបង្ហាញខ្លួនរបស់នាង។

យ៉ាងណាមិញ លើកនេះ តារាស្រី Liu Yifei ពិតជាមិនបានធ្វើឱ្យអ្នកគាំទ្រខកចិត្តឡើយ ស្របពេលរូបភាពមួយចំនួន ដែលបានបង្ហាញដោយស្ទូឌីយោ បញ្ចេញនូវសម្រស់ដ៏ទាក់ទាញ ក្នុង​ឈុត​ខ្មៅ​ និងធ្វើ​ឱ្យ​រូបភាព​របស់​នាង ​កាន់​តែមានភាព​ស៊ិ.ច.ស៊ី​ខ្លាំងឡើង ជាពិសេស ទម្រង់​មុខ និង​ស្មារតី​ដ៏​ល្អ​របស់នាង ក៏​ទទួល​បាន​ការ​សរសើរ​ជា​ច្រើន ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត នៅក្នុងរូបភាពដែលថតបានដោយកាម៉េរ៉ាធម្មតា ពេលកំពុងតែចូលរួមក្នុងកម្មវិធីនោះ សម្រស់ Liu Yifei ក៏នៅតែមានភាពស្រស់ស្អាត លេចធ្លោ ដែលមានមុខមាត់និងរូបរាងស្លីមជាងមុន ពោរពេញដោយមន្តស្នេហ៍យ៉ាងខ្លាំង ខណៈដែលកាលពីមុនមក តារាស្រីរូបនេះ តែងតែត្រូវបានគេរិះគន់ ពីរូបរាងនៃការឡើងទម្ងន់របស់នាង ផងដែរ៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន