ពេលនេះ អង់គ្លេសរកឃើញវីរុសបម្លែងថ្មីមួយទៀត ជាបងប្អូនរបស់អូមីក្រុង​

អង់គ្លេស៖ អាជ្ញាធរសុខាភិបាលចក្រភពអង់គ្លេសកាលពីថ្ងៃសុក្របាននិយាយថា ខ្លួននឹងធ្វើការវិភាគបន្ថែមទៅលើក្រុមវ៉ារ្យ៉ង់ដែលស្ថិតនៅក្នុងត្រកូលវីរុសអូមីក្រុង បន្ទាប់ពីកំណត់វាជាវ៉ារ្យ៉ង់នេះ ត្រូវបានកំពុងស៊ើបអង្កេត (VUI)។ទីភ្នាក់ងារសន្តិសុខ និងសុខភាពរបស់ចក្រភពអង់គ្លេស (UKHSA) ដែលតាមដានទិន្នន័យទាក់ទងនឹងជំងឺរាតត្បាត បាននិយាយថា ត្រកូលវ៉ារ្យ៉ងនេះ ដែលគេស្គាល់ថាជា BA.2 បង្ហាញពីចំនួនករណីទាបក្នុងប្រទេស ដោយត្រកូលអូមីក្រុងដើម BA.1 នៅតែបន្តការរាលដាល។ នេះបើតាមការចុះផ្សាយរបស់សារព័ត៍មាន NDTV។

ការចាត់ឱ្យមាន VUI ( variant under investigation ) គឺជាជំហានដំបូងនៃការស៊ើបអង្កេត មុនពេលត្រូវបានកំណត់ជាវ៉ារ្យ៉ង់បង្ករការព្រួយបារម្ភ (VOC) ដែលចេញពីវីរុសអូមីក្រុងប្រភេទ BA.1 ដើម ដែលកំពុងចរាចរជុំវិញពិភលោក នាពេលបច្ចុប្បន្ននេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទីភ្នាក់ងារ UKHSA បាននិយាយថា៖ «ពូជរងវ៉ារ្យ៉ង់ Omicron ដែលគេស្គាល់ថា BA.2 ត្រូវបានកំណត់ថាជាវ៉ារ្យ៉ង់ដែលកំពុងស៊ើបអង្កេត»។ ចំនួនករណី BA.2 បច្ចុប្បន្នមានកម្រិតទាប ជាមួយនឹងពូជពង្ស Omicron ដើម BA.1 នៅតែបន្តរាលដាល នៅក្នុងចក្រភពអង់គ្លេស ហើយការវិភាគបន្ថែមទៀតនឹងត្រូវបានអនុវត្តឥឡូវនេះ។

UKHSA កំពុងបន្តត្រួតពិនិត្យទិន្នន័យនៅលើវ៉ារ្យ៉ង់ប្រភេទថ្មី BA.2 យ៉ាងយកចិត្តទុកដាក់បំផុត។

បើតាមលោកស្រីវេជ្ជបណ្ឌិត Meera Chand នាយកនៃទីភ្នាក់ងារ UKHSA បានមានប្រសាសន៍ថា៖ «ជាធម្មជាតិរបស់មេរោគ មេរោគតែងវិវឌ្ឍន៍ខ្លួន ដោយយើងនឹងបន្តរកឃើញវ៉ារ្យ៉ង់លេចចេញថ្មីទៀត បើជំងឺរាតត្បាតនៅតែបន្ត»៕

ប្រភព៖ NDTV