ហេតុអ្វីមនុស្សសម័យនេះស្រឡាញ់លុយម្ល៉េះ? បុរសម្នាក់អួតខ្លួនថាជាគ្រូពេទ្យ ដើរបោកគេ ចុងក្រោយអស់លក្ខណ៍

បាត់ដំបង÷ កាលពីថ្ងៃព្រហស្បតិ៍ទី១៩ ខែមករា ឆ្នាំ ២០២២កន្លងទៅនេះ ស្នងការរងផែនការងារនគរបាលពព្រហ្មទណ្ឌខេត្តបាត់ដំបង បានចុះប្រតិបត្តិការ បង្ក្រាបករណីរំលោភលេីទំនុកចិត្ត( យកម៉ូតូតាមបណ្ដាញសង្គមហ្វេសប៊ុក) ១ករណី និងបានធ្វេីការនាំខ្លួនជនជនសង្ស័ម្នាក់ ឈ្មោះ ជា ពិសិត ភេទប្រុស អាយុ៣៧ ឆ្នាំមានទី លំនៅសង្កាត់ទឹកថ្លាខណ្ឌសែនសុខ រាជធានីភ្នំពេញ មកកាន់ស្នងការដ្ឋាននគរបាលខេត្តបាត់ដំបងដើម្បីធ្វើការ សាកសួរ ស្រាវជ្រាវ ។

យ៉ាងណាមិញ ចំពោះមូលហេតុដែលឈានដល់ការឃាត់ខ្លួននេះគឺមានជនរងគ្រោះ ឈ្មោះ សឺន សាម៉ៃ ភេទស្រី អាយុ ២៩ ឆ្នាំ បានស្គាល់ជនសង្ស័យខាងលេីតាមបណ្តាញសង្គមហ្វេសប៊ុក ដោយជនសង្ស័យបានទំនាក់ទំនងប្រាប់ ទៅជនរងគ្រោះថារូបគេជាគ្រូពេទ្យទាហានប្រចាំការនៅភ្នំពេញ រហូតដល់ថ្ងៃកេីតហេតុខាងលេី ជនសង្ស័យបានប្រាប់ជនរងគ្រោះថា រូបគេយកថ្នាំវាក់សាំងសម្រាប់ដូសទី៣ មកចាក់នៅខេត្តបាត់ដំបង រហូតដល់វេលាម៉ោង១៣និង០០នាទីថ្ងៃខែឆ្នាំខាងលេី ជនសង្ស័យបានទូរស័ព្ទទៅជនរងគ្រោះតាមឆាត ថារូបគេមកដល់ខេត្តបាត់ដំបងហេីយ នៅមុខមន្ទីរពេទ្យបង្អែកខេត្ត ពេលនោះជនរងគ្រោះក៏បានជិះម៉ូតូ ម៉ាកហុងដាPCX ពណ៌ស ស៊េរីឆ្នាំ ២០១៨ ពាក់ស្លាកលេខបាត់ដំបង1AD-6850 ចេញពីផ្ទះមករកទិញថ្នាំលេបផង ក៏មកជួបជនសង្ស័យនៅចំណុចមុខពេទ្យនៅពេលជួបគ្នាជនសង្ស័យបានប្រាប់ជនរងគ្រោះថារូបគេមិនទាន់បានហូបបាយទេ ដោយឱ្យជនរងគ្រោះជូនទៅរកកន្លែងហូបបាយ នៅពេលជូនទៅដល់កន្លែងហូបបាយ ជនសង័្សយប្រាប់ជនរងគ្រោះថាមានគេទូរស័ព្ទឱ្យរូបគេទៅយកថ្នាំ ហេីយពេលនោះជនសង័្សយបានសុំខ្ចីម៉ូតូរបស់ជនរងគ្រោះដេីម្បីជិះទៅយកថ្នាំ។ ពេលនោះជនរងគ្រោះបានសុខចិត្តប្រគល់ម៉ូតូឱ្យទៅជនសង័្សយហេីយជនសង័្សយបានជិះម៉ូតូនោះទៅបាត់រហូត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយរង់ចាំបាត់យូរពេកមិនឃេីញជនសង័្សយជិះម៉ូតូត្រឡប់មកវិញ ទេីបជនរងគ្រោះមានការសង័្សយថា រូបគាត់ពិតជាចាញ់បោកជនសង័្សយខាងលេីនោះហេីយ ដូចនេះរូបគាត់បានដាក់ពាក្យបណ្តឹងចូលមកសមត្ថកិច្ចនគរបាលដេីម្បីធ្វេីការស្រាវជ្រាវ។

ក្រោយចាប់ខ្លួន ជនសង្ស័យ បានឆ្លេីយសារភាពថាកន្លងមករូបគេធ្លាប់បានធ្វេីសកម្មភាព ដូចខាងលើ នេះចំនួន០៤លេីកមកហេីយគឺ នៅក្នុងខេត្តឧត្តរមានជ័យចំនួន ០២ លេីក និង នៅក្នុងខេត្តពោធិ៍សាត់ចំនួន០២លើក តែលើកចុងក្រោយនេះធ្វើសកម្មភាព នៅខេត្តបាត់ដំបងក៏ត្រូវសមត្ថកិច្ចស្រាវជ្រាវនិងបង្រ្កាបបានតែម្តង។

អាស្រ័យដូចដែលបានជម្រាបជូនខាងលើនេះ សូមពុកម៉ែ បងប្អូន និងប្រជាពលរដ្ឋទាំងអស់មេត្តាជ្រាបជាព័ត៌មានជៀសវាងធ្លាក់ទៅក្នុងអន្ទាក់របស់ក្រុមទុច្ចរិតមួយចំនួនដែលឆបោកតាមបណ្តាញសង្គម៕

ចង់ជ្រាបកាន់តែច្បាស់ សូមទស្សនារូបភាពខាងក្រោមនេះ÷

ប្រភព÷ ហ្វេសប៊ុកស្នងការនគរបាលខេត្តបាត់ដំបង

បុរសដែលបន្លំជាគ្រូពេទ្យ ត្រូវបានចាប់ខ្លួន

ជីវិត

រូបភាព

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ហេតុអ្វីមនុស្សសម័យនេះស្រឡាញ់លុយម្ល៉េះ? បុរសម្នាក់អួតខ្លួនថាជាគ្រូពេទ្យ ដើរបោកគេ ចុងក្រោយអស់លក្ខណ៍

In Case You Missed It