ធ្វើអីក៏ខុស! ពលរដ្ឋរាប់ពាន់នាក់ នៅបែលហ្ស៊ិក ផ្ទុះការតវ៉ា ពេលឃើញ គេរៀបចំវិធានការណ៍កូវីដ

បែលហ្ស៊ិក៖ បាតុកររាប់ពាន់នាក់ បានដើរដង្ហែឆ្លងកាត់ទីក្រុងប្រ៊ុចសែល (Brussels) កាលពីថ្ងៃអាទិត្យ ទី២៣ មករានេះ ដើម្បីតវ៉ានឹងច្បាប់ប្រឆាំងកូវីដ១៩ ខណៈរលកនៃការឆ្លងកូវីដប្រភេទអូមីក្រុង បណ្តាលឱ្យការឆ្លងឈានដល់កម្រិតខ្ពស់បំផុត។ នេះបើតាមការចុះផ្សាយរបស់សារព័ត៍មាន Channel News Asia។

អ្នកយកព័ត៌មាន AFP បាននិយាយថា ហ្វូងមនុស្សដ៏ធំសម្បើម ហាក់ដូចជាមានទំហំធំជាងបាតុកម្មមុនៗ ដែលបានដង្ហែឆ្លងកាត់រដ្ឋធានីបែលហ្ស៊ិក ទៅកាន់អគាររបស់សហភាពអឺរ៉ុប ហើយក៏មានការប៉ះទង្គិចគ្នាជាមួយប៉ូលីសផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រុមអ្នកតវ៉ា បានកាន់ស្លាកសញ្ញារិះគន់នាយករដ្ឋមន្ត្រីបែលហ្ស៊ិក លោក Alexander De Croo និងលិខិតឆ្លងដែនសុវត្ថិភាពកូវីដ១៩ដែលបង្ហាញថាអ្នកត្រូវបានចាក់វ៉ាក់សាំងរួច ឬបានធ្វើតេស្តអវិជ្ជមានកូវីដ ដែលត្រូវការសម្រាប់ការចូលទៅកាន់កន្លែងជាច្រើន។អ្នករៀបចំរួមទាំងបាតុកម្មទូទាំងពិភពលោកដើម្បីសេរីភាព និងសហគមន៍អឺរ៉ុបដើម្បីសេរីភាពបានអំពាវនាវឱ្យប្រជាជនមកពីរដ្ឋសហភាពអឺរ៉ុបផ្សេងទៀត។

ការតវ៉ានេះ បានកើតឡើងនៅពេលដែលរដ្ឋាភិបាលមួយចំនួនស្វែងរកការបន្ធូរបន្ថយការរឹតបន្តឹង បើទោះបីជាវីរុសបម្លែងខ្លួនអូមីក្រុង រីករាលដាលយ៉ាងគំហុក ដែលបណ្តាលឱ្យមានការកើនឡើងនៃការឆ្លងក៏ដោយ។ទីភ្នាក់ងារសុខភាពរបស់សហភាពអឺរ៉ុប បាននិយាយកាលពីថ្ងៃសុក្រថា វីរុសបម្លែងខ្លួនអូមីក្រុងឥឡូវនេះ បានក្លាយជាវីរុសលេចធ្លោ ដែលកំពុងចរាចរ នៅក្នុងប្លុកនិងប្រទេសជិតខាងមួយចំនួននៅក្នុងសហភាពអ៊ឺរ៉ុប។

លោក De Croo កាលពីថ្ងៃសុក្រនេះ បានប្រកាសអនុញ្ញាតឱ្យ ភោជនីយដ្ឋាន និងបារ អាចពង្រីកម៉ោងបម្រើសេវាកម្ម ខណៈក្លឹបរាត្រី នៅតែបន្តបិទ។

សូមបញ្ជាក់ផងដែរថា ប្រទេសបែលហ្សិក បានរកឃើញការឆ្លងប្រចាំថ្ងៃកើនឡើងដល់ជាង ៦០,០០០​​ នាក់ ក្នុងសប្តាហ៍មុន នៅក្នុងអ្វីដែលអាជ្ញាធរ បានហៅថាជា «រលកយក្សស៊ូណាមិ» ៕