សម្តេចតេជោ ហ៊ុន សែន នឹងអញ្ជើញទទួលផ្ទាល់វ៉ាក់សាំងដែលជាជំនួយរបស់រដ្ឋាភិបាលប៉ូឡូញ ចំនួន ៣០ម៉ឺនដូស

រាជធានីភ្នំពេញ៖ រដ្ឋាភិបាល និងប្រជាជនប៉ូឡូញ ផ្តល់វ៉ាក់បង្ការជំងឺកូវីដ១៩ អាស្ត្រាហ្សេនីកា ចំនួន ៣០ម៉ឺនដូស ជូនដល់រាជរដ្ឋាភិបាល និងប្រជាជនកម្ពុជា ដើម្បីចូលរួមប្រយុទ្ធប្រឆាំងការរាតត្បាតជំងឺកូវីដ១៩នៅក្នុងប្រទេសកម្ពុជា។

ក្នុងនោះ បើតាមការបញ្ជាក់របស់ លោកស្រី យក់ សម្បត្តិ រដ្ឋលេខាធិការក្រសួងសុខាភិបាល ប្រាប់សារព័ត៍មាន Fresh News ឱ្យដឹងថា វ៉ាក់សាំងដែលជាជំនួយរបស់ប្រទេសប៉ូឡូញ នឹងដឹកមកដល់ប្រទេសកម្ពុជា នៅល្ងាចថ្ងៃអង្គារ ទី២៥ ខែមករា ឆ្នាំ២០២២ ហើយសម្តេចតេជោ ហ៊ុន សែន នាយករដ្ឋមន្ត្រីកម្ពុជា នឹងអញ្ជើញដោយផ្ទាល់ ទទួលវ៉ាក់សាំងនោះ នៅព្រលានយន្តហោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែរថា បើតាមទិន្នន័យពីក្រសួងសុខាភិបាល គិតត្រឹមថ្ងៃទី២៣ ខែមករា ឆ្នាំ២០២២នេះ ក្រសួងបានសម្រចចាក់វ៉ាក់សាំងជូនប្រជាពលរដ្ឋ បានសរុបរួមចំនួន ១៤,៣៣៤,១៦៦នាក់៕

ប្រភព៖ FN