នាយករដ្ឋមន្ត្រីញូហ្សេឡែន លុបចោលមង្គលការខ្លួនឯង ព្រោះតែកូវីដ

ញូហ្សេឡែន៖ នាយករដ្ឋមន្ត្រីញូហ្សេឡែន លោកស្រីJacinda Ardern កាលពីថ្ងៃអាទិត្យបានបង្ហើបថានាងបានលុបចោលពិធីមង្គលការរបស់លោកស្រី ខណៈដែលប្រទេសនេះនៅតែបន្តទប់ស្កាត់រលកថ្មីនៃករណីមេរោគអូមីក្រុង។

ថ្លែងនៅក្នុងសន្និសីទសារព័ត៌មានជាទៀងទាត់អំពីមេរោគកូវីដ១៩ លោកស្រីArdern បាននិយាយថា អាជ្ញាធរសុខាភិបាលបានរាយការណ៍ករណីមេរោគបម្លែងខ្លួនថ្មីអូមីក្រុង ចំនួន៩ករណីលើសមាជិកមួយគ្រួសារ នៅក្រុង Motueka។ ដោយក្រុមគ្រួសារនោះ បានធ្វើដំណើរទៅកាន់ទីក្រុង Auckland ដើម្បីចូលរួមពិធីមង្គលការ ពិធីបុណ្យសព សួនកម្សាន្ត និងកន្លែងទេសចរណ៍កាលពីចុងសប្តាហ៍មុន ដែលជំរុញឱ្យប្រទេសញូហ្សេឡែន ឈានដល់បន្ទាត់ «ភ្លើងក្រហម»។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោកស្រី Ardern បានប្រាប់អ្នកយកព័ត៌មានថា៖ «ពិធីមង្គលការរបស់ខ្ញុំនឹងមិនប្រព្រឹត្តឡើងឡើយ ប៉ុន្តែខ្ញុំគ្រាន់តែចូលរួមជាមួយប្រជាជនញូហ្សេឡែន ជាច្រើននាក់ផ្សេងទៀត ដែលមានរឿងបែបនេះ ដោយសារតែជំងឺរាតត្បាតកូវីដ១៩»។នៅពេលត្រូវបានសួរថាតើនាងមានអារម្មណ៍យ៉ាងណាចំពោះការសម្រេចចិត្តរបស់លោកស្រី ក្នុងការលុបចោលពិធីមង្គលការដែលនឹងត្រូវប្រារព្ធឡើងនៅរដូវក្តៅនេះ លោកស្រី Ardern បានឆ្លើយតបថា៖«ជីវិតគឺអញ្ចឹង»។

សូមបញ្ជាក់ផងដែរថា មកទល់ពេល ប្រទេសញូហ្សេឡែន បានរកឃើញករណីឆ្លងកូវីដ១៩ ចំនួន ១៥,៦២៥ ករណី ក្នុងនោះ មានអ្នកស្លាប់ចំនួន ៥២៕

ប្រភព៖ CNN