រាជធានីភ្នំពេញ៖ អ្នកណាៗក៏ស្គាល់ដែរ លោកឧកញ៉ា ចិត្តសប្បុរសធម៍ ម៉ុង ឫទ្ធី ដែលកាលពីថ្មីៗនេះ លោកឧកញ៉ា បានបង្ហោះនៅលើបណ្តាញសង្គមថា ចំការដូង និងចំការកៅស៊ូដែលលោក បានខិតខំប្រឹងប្រែងថែរក្សាជាង ២០ឆ្នាំ ត្រូវបានគេលួចដុត ដោយបានបង្កឱ្យមានការឆាបឆេះជាបន្តបន្ទាប់ ត្រឹមពោលពាក្យសោកស្តាយជាពន់ពេកក្រៃ។
ក្នុងនោះ បើតាមសំណេររបស់លោក ឧកញ៉ា បានសរសេររៀបរាប់ឱ្យដឹងថា៖ « ថ្ងៃនេះខ្ញុំសូមទាញអារម្មណ៍របស់ប្រិយមិត្តយេីង អោយក្រឡេកមកមេីលជីវិតអ្នកចំការវិញម្តង ខ្ញុំលេីកយកតែជ្រុងមួយតូចនៃជីវិតអ្នកចំការ ដេីម្បីអោយប្រីយមិត្តយេីងទាំងអស់គ្នាបានយល់ដឹងខ្លះៗ ចំការដូងប្រេងនិងចំការកៅស៊ូទំរាំតែដាំបានពីឆ្នាំ១៩៩៦-២០២២=២៦ឆ្នាំ ត្រូវចំណាយអស់កម្លាំងកាយចិត្តរួមជាមួយនិងថវិការយ៉ាងច្រេីនសន្ធឹកសន្ធាប់ផងដែ ទំរាំតែដាំបានអោយបងប្អូនទាំងអស់គ្នាបានចូលជ្រកម្លប់ សម្រាកកម្សាន្តហូបអាហារមានអ្នកខ្លះបានប្រមូលសំរាមវេចខ្ចប់ទុកដាក់ស្រួលបួល ខ្លះទៀតមុខដ៏ដែលៗបោះសំរាមចោលពាស់វាលពាស់កាល ប្រហែលជាគាត់គឹតស្មានថាមានជំនួយពីខាងណាបានផ្តល់ថវិការ មកបេីកអោយកម្មករទាំងជាង២០នាក់ដែលដេីរេីសសំរាមរាល់ថ្ងៃនេះហេីយមេីលទៅ»។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកឧកញ៉ា ម៉ុង ឫទ្ធី បានបន្ថែមទៀតថា៖ «សូមបញ្ជាក់ថា២៦ឆ្នាំបានកន្លងផុតទៅហេីយមិនដែលមានជំនួយទេ ចាប់តាំងពីដេីមរដូវប្រាំងមកមានអ្នកលួចដុតចំការជាបន្តបន្ទាប់ នៅថ្ងៃទី២៤ខែមករាឆ្នាំ២០២២នេះចំការដូងប្រេងនឹងចំការកៅស៊ូ ត្រូវបានភ្លេីងឆាបឆេះជាបន្តបន្ទាប់គួអោយសោកស្តាយជាពន់ពេកក្រៃ ខ្ញុំគ្រាន់តែនិយាយអោយដឹងដោយមិនមានសំណូមពរទេ ព្រោះអីមនុស្សដែលប្រព្រឹត្តិសុតតែចេះបេីកឡានមិនមែនកូនក្មេងនោះទេ»៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
