ចឹងតើធ្វើបានល្អណាស់! សកម្មភាពហាត់សមដើរម៉ូត នៅវគ្គឈុតហែលទឹក បេក្ខនារីទាំងអស់ខំប្រឹងខ្លាំង

ភ្នំពេញ៖ ជាការពិតកម្មវិធីប្រកួតបវរកញ្ញាយុវវ័យអន្តរជាតិកម្ពុជា ទើបតែបង្កើតឡើងនៅក្នុងឆ្នាំដំបូង ប៉ុន្តែគេកត់សម្គាល់ឃើញមានការគាំទ្រច្រើនពីសំណាក់មហាជនគ្រប់ទិសទី ជាពិសេសពីអ្នកលេងបណ្ដាញសង្គមតែម្ដង។ ជាមួយគ្នានេះដែរ បើក្រឡេកមើលការប្រកួត គេដឹងផងដែរថាកម្មវិធី Miss Teen International Cambodia បានបញ្ចប់វគ្គប្រកួតចំនួន៣វគ្គរួចមកហើយ ដើម្បីស្វែងរកម្ចាស់ជ័យលាភី។ 

យ៉ាងណាមិញ កាលពីថ្ងៃទី១៥ ខែ មករា ឆ្នាំ ២០២២ កន្លងទៅថ្មីៗនេះ កម្មវិធី Miss Teen International Cambodia ទើបតែបញ្ចប់វគ្គប្រកួតឈុតហែលទឹក ដែលមានបេក្ខនារីប្រកួតចំនួន២៥រូប។ ម្យ៉ាងស្របពេលប្រកួតឈុតហែលទឹក ក្នុងអំឡុងពេលធ្វើការផ្សាយផ្ទាល់នោះ គេឃើញបេក្ខនារីទាំងអស់សុទ្ធសឹងតែខំប្រឹងធ្វើវាអស់ពីសមត្ថភាព និងបង្ហាញភាពជឿជាក់ ហើយធ្វើបានល្អគ្រប់ៗគ្នា រហូតទទួលបានការសរសើរច្រើនពីទស្សនិកជន។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ ប្រិយមិត្តបានមើលការផ្សាយផ្ទាល់វគ្គប្រកួតឈុតហែលទឹកពីបេកុ្ខនារី Miss Teen International Cambodiaរួចមកហើយ ប៉ុន្តែបើងាកមកចាប់អារម្មណ៍ពីសកម្មភាពហាត់សម ការដើរម៉ូតក្នុងវគ្គឈុតហែលទឹករបស់បេក្ខភាពប្រកួតវិញម្ដង គេឃើញបេក្ខនារីហាត់សមទាំងហាលក្ដៅរាប់ម៉ោង ប៉ុន្តែនៅតែខំប្រឹងហាត់ដើម្បីបន្តក្ដីស្រមៃខ្លួន។ មិនតែប៉ុណ្ណោះ បេក្ខនារីទាំងអស់នៅតែរក្សាស្នាមញញឹមយ៉ាងស្រស់ស្អាត ទោះជួបផលលំបាកក្នុងអំឡុងពេលហាត់សមដើរម៉ូតក៏ពិតមែន៕ 

សូមទស្សនារូបភាពខាងក្រោម៖ 

• រូបភាព