មើលមិត្តភក្តិគេផង Aum និង Nune រាប់គ្នាជិត២០ឆ្នាំហើយ សម្រស់ក៏មិនចាស់ដូចគ្នា(មានវីដេអូ)

ថៃ៖ អ្នកណាមិនស្គាល់ តារាស្រីលំដាប់កំពូល រាជនីសម្រស់ប្រចាំប្រទេស នាង Nune Woranuch និង Aum  Patchrapa ជាកំពូលតារាសម្ដែងស្រីជើងចាស់ ដែលឈរលើវិថីសិល្បៈរួមគ្នានិងជាមិត្តភក្តិនិងគ្នាជាង២០ឆ្នាំមកហើយ។

យ៉ាងណាមិញ បើទោះជាឈានជើងចូលសិល្បៈជាងពាក់កណ្ដាលជីវិតយ៉ាងណាក្តី ក៏តារាស្រីចាស់វស្សាទាំងពីរដួងនេះ នៅតែក្តោបបានដំណែងតួឯក ថែមទាំងលេចមុខក្នុងការផ្សព្វផ្សាយប្រេនផលិតផលល្បីៗ និងនៅតែរក្សាប្រជាប្រិយភាពនៅនឹងថ្កល់មិនដែលរង្គើរម្ដងណាឡើយ បើទោះបីជាមានរលកក្រោយមកជាបន្តចន្ទាប់ច្រើនយ៉ាងក្តី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក បើតាមសកម្មភាពវីដេអូកន្លងទៅ Nune និង Aum បានរាប់អាននិងស្រលាញ់គ្នាជាមិត្តភក្តិតាំងពីក្មេងៗមកម្ល៉េះ ថែមទាំងជិតស្និតទៀតផង ជាពិសេស មកទល់បច្ចុប្បន្នអ្នកទាំងពីរនៅតែរក្សាទំនាក់ទំនងមិត្តភាពនៅតែល្អដដែល។

ជាងនេះទៅទៀត បើក្រលេកមើលសម្រស់មិត្តភក្តិស្រីពីរដួងនេះវិញ គឺរឹតតែធ្វើឲ្យហ្វេនៗលួចច្រណែនមិនស្ទើរតែម្ដង ព្រោះថាអ្នកគាំទ្រខំតាមដាន អ្នកទាំងពីរតាំងពីក្មេងៗរហូតដល់អ្នកទស្សនាឡើងចាស់អស់ តែកុំមើលសម្រស់ Nune និង Aum នៅតែក្មេងជាងវ័យស្រស់ស្អាតមិនចាញ់គ្នាសោះ ជាពិសេសនៅក្នុងវ័៤០ប្លាយដូចគ្នានេះ មើលសឹងតែច្រលំ២០ឆ្នាំទៅហើយ។ ជាពិសេស អ្នកទាំងពីរនៅតែរក្សាទំនាក់ទំនងមិត្តភាពនៅតែល្អដដែល៕

សូមទស្សនារូបភាព និងជូនវីដេអូខាងក្រោម៖

• តារាថៃ