សកម្មភាពបវកញ្ញាយុវវ័យកម្ពុជា ចូលរួមទស្សនៈកិច្ច ក្នុងសារៈមន្ទីរគុកទួលស្លែង​ និង​វាលពិឃាតជេីងឯក

ភ្នំពេញ៖ ការប្រកួតបវរកញ្ញាយុវវ័យអន្តរជាតិកម្ពុជា (Miss Teen International Cambodia) បានបញ្ចប់វគ្គប្រកួតប្រជែងស្វែងរកបេក្ខនារីជើងខ្លាំងអស់ជាច្រើនវគ្គរួចមកហើយ។ ក្រោយជម្រុះបេក្ខភាពប្រកួតពី១០០នាក់មកនៅត្រឹម២៥រូបចុងក្រោយនោះ នឹងមានសិទ្ធិបន្តប្រកួតនៅវគ្គផ្ដាច់ព្រ័ត្រដែលប្រព្រឹត្តិឡើងទៅថ្ងៃទី ៣០ ខែ មករា ឆ្នាំ ២០២២ នៅផ្សារទំនើបAeon២ សែនសុខ។

ស្របពេលវគ្គប្រកួតផ្ដាច់ព្រ័ត្រកាន់តែខិតជិតមកដល់នោះ ពីស្ថាប័ន Miss Teen International Cambodia បាននាំប្អូនៗបេក្ខនារីទាំង២៥រូប ចុះទៅទស្សនៈកិច្ចនៅសារៈមន្ទីរគុកទួលស្លែង​ និង​វាលពិឃាតជេីងឯក។ ក្នុងអំឡុងពេលចុះទៅទស្សនៈកិច្ច គេឃើញប្អូនៗបេក្ខភាពទាំងអស់តុបតែងខ្លួនយ៉ាងស្រស់ស្អាត ស្លៀកសម្លៀកបំពាក់ និងមានពាក់ឈាងដូចៗគ្នាផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះទៅទៀត បេក្ខនារី Miss Teen International Cambodia បានថតរូបជុំគ្នាទុកជាអានុស្សាវរីយ៍ មុនថ្ងៃប្រកួតជម្រុះផ្ដាច់ព្រ័ត្រនាពេលខាងមុខ។ ម្យ៉ាងវិញទៀត សង្ឃឹមថាប្រិយមិត្តនឹងបន្តគាំទ្រដល់បេក្ខនារីទាំងអស់ ហើយរង់ចាំមើលថា បេក្ខនារីរូបណានឹងក្លាយជាម្ចាស់ជ័យលាភីបវរកញ្ញាយុវវ័យអន្តរជាតិកម្ពុជាមុនគេបង្អស់៕

សូមទស្សនារូបភាពខាងក្រោម៖

• រូបភាព