រាជធានីភ្នំពេញ៖ កាលពីថ្ងៃទី២៦ ខែមករា ឆ្នាំ២០២២កន្លងទៅម្សិលមិញនេះ មានករណីអគ្គីភ័យមួយកន្លែងបានកើតឡើងនៅចំណុចបុរីសម្បតិ្តមាស ផ្ទះលេខ១សេ ភូមិបឹងសាឡាង ក្រុម១ សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ដោយបានបង្កជាការភ្ញាក់ផ្អើលយ៉ាងខ្លាំងដល់ប្រជាជនដែលរស់នៅតំបន់ក្បែរនោះ។
យ៉ាងណាមិញ យោងតាមប្រភពព័ត៌មានពីប្រជាពលរដ្ឋនៅជិតខាងផ្ទះកេីតហេតុ បានប្រាប់ឱ្យដឹងថា ផ្ទះដែលឆេះគឺមានស្តុកក្រណាត់សម្រាប់លក់បោះដុំនៅផ្សារអូឡាំពិក។ នៅមុនពេលកេីតហេតុ ពេលល្ងាចម្ចាស់ផ្ទះបានដុតកម្ទេចកំណាត់នៅមុខផ្ទះរបស់គាត់ តែត្រូវសមត្ថកិច្ចមូលដ្ឋានចុះទៅហាមឃាត់ម្ចាស់ផ្ទះក៏ពន្លត់ភ្លើងវិញ។ លុះដល់ម៉ោងកេីតហេតុ ស្រាប់តែមានអណ្ដាតភ្លើងឆាបឆេះយ៉ាងសន្ធោសន្ធៅនៅខាងក្នុងផ្ទះកេីតហេតុ និងខាងមុខផ្ទះឆេះរាលដាលដល់រថយន្តតូយ៉ូតាព្រូសមួយគ្រឿងបណ្តាលឱ្យខូចខាតទាំងស្រុង ទេីបបង្កការភ្ញាក់ផ្អើលដល់អ្នកជិតខាងនាំគ្នាគោះទ្វារ និងស្រែកហៅម្ចាស់ផ្ទះ តែដោយសារតែភ្លើងឆេះខ្លាំងទៅហើយទេីបអ្នកនៅខាងក្នុងមិនអាចចេញមកក្រៅបាន គឺបានត្រឹមនាំគ្នារត់ទៅជាន់លើដំបូលដើម្បីគេចចេញពីអណ្ដាតភ្លើង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ គ្រោះអគ្គីភ័យខាងលើនេះ បានលេបត្របាក់ផ្ទះអស់ចំនួន០១ខ្នងអស់ទាំងស្រុង នឹងឆេះរាលដល់ផ្ទះចំនួន ០២ខ្នង នឹងឆេះរថយន្តអស់ចំនួន០១គ្រឿង និងបានឆក់យកជីវិតម្នាក់ចំនួន១នាក់ដែលគេស្គាល់ថាជាកូនស្រីម្ចាស់ផ្ទះកើតហេតុខាងលើ បានស្លាប់ពេលបញ្ជូនដល់មន្ទីរពេទ្យ និងមានរបួសមនុស្ស: ០២នាក់ ក្នុងស្ថានភាពរងរបួសស្រាល។
អាស្រ័យដូចដែលបានជម្រាបជូនខាងលើនេះ សូមពុកម៉ែ បងប្អូន និងប្រជាពលរដ្ឋទាំងអស់មេត្តាបង្កើនការប្រុងប្រយ័ត្ន ដើម្បីបង្ការការកើតមានគ្រោះអគ្គីភ័យជាយថាហេតុ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
