ភ្នំពេញ៖ នេះគឺជាលើកទី២ហើយ ដែលក្រុមអ្នករៀបចំកម្មវិធី VL EVENT នាំមកនូវកម្មវិធី «ពិព័រណ៍គ្រួសារខ្ញុំ» ដែលជាពិព័រណ៍បែបលក្ខណៈគ្រួសារសប្បាយៗគ្មានពីរ។ ពិព័រណ៍គ្រួសារខ្ញុំ លើកទី២នេះ នឹងប្រព្រឹត្តទៅនៅថ្ងៃទី២៨ ដល់ថ្ងៃទី៣០ ខែមករា ឆ្នាំ២០២២ ក្នុងការទទួលស្វាគមន៍ចូលឆ្នាំថ្មីប្រពៃណីចិនខាងមុខនេះ ដែលមានទីតាំងស្ថិតនៅ ផ្សារទំនើប អ៊ីអន ម៉ល សែនសុខស៊ីធី ជាន់ផ្ទាល់ដី (AEON 2) ចាប់ពីម៉ោង៩ព្រឹក ដល់ម៉ោង ១០យប់។
ពិព័រណ៍គ្រួសារខ្ញុំ លើកទី២លើកនេះ មានការចូលរួមពី ធនាគារ ប្រៃសណីយ៍កម្ពុជា CPBANK PLC. ក្រុមហ៊ុនផ្នែកសេវាកម្មដឹកជញ្ជូនម្ហូប foodpanda ក្រុមហ៊ុនអចលនទ្រព្យ Urban Living Solutions ULS ក្រុមហ៊ុន BNP Innovation Co., Ltd. ព្រមទាំងផ្នែកសេវាកម្មរៀបចំម្ហូបអាហារ សេវាកម្មសិក្សាក្រៅប្រទេស មន្ទីរពេទ្យកុមារ ស្ថាប័នសិក្សា ទំនិញប្រើប្រាស់ក្នុងផ្ទះ ផលិតផលខ្មែរក្នុងស្រុក សម្លៀកបំពាក់និងសម្ផស្ស ផលិតផលសម្រាប់ម្តាយនិងកូនតូចៗ និងទំនិញដែលជាតម្រូវការប្រចាំថ្ងៃរបស់គ្រប់ក្រុមគ្រួសារជាច្រើនមុខទៀត ដែលត្រូវបានបញ្ចុះតម្លៃរហូតទៅដល់ ៨០% នៅក្នុងការតាំងពិព័រណ៍នេះ។
លើសពីនេះទៅទៀត អ្នកចូលរួមទស្សនាពិព័រណ៍ទាំងឡាយអាចចុះឈ្មោះលេងហ្គេមកម្សាន្តសប្បាយៗ FREE ដើម្បីទទួលរង្វាន់ជាច្រើន ហើយរាល់ការចំណាយនៅគ្រប់ស្តង់ អាចប្តូរយកគ្រាប់បាល់សំណាង ដើម្បីចាប់យករង្វាន់យ៉ាងសន្ធឹកសន្ធាប់។ សំខាន់បំផុត មានចែកជូននូវអាំងប៉ាវ FREE ចំនួន ៣០០ សន្លឹក ដោយគ្រាន់តែមកទស្សនាពិព័រណ៍ផ្ទាល់។
អ្វីដែលពិសេសជាងនេះទៅទៀត គឺមានការចូលរួមច្រៀងរាំពីតារាចម្រៀងល្បីៗនៅក្នុងព្រះរាជាណាចក្រកម្ពុជាជាច្រើនរូប ថែមទាំងនឹងបានថតរូបជាមួយតារាអាយដលផងដែរ។
កម្មវិធី ពិព័រណ៍គ្រួសារខ្ញុំ លើកទី២ ឧបត្ថម្ភផ្តាច់មុខដោយ ធនាគារ ប្រៃសណីយ៍កម្ពុជា CPBANK PLC. និងដៃគូសហការដឹកជញ្ជូនអាហារផ្តាច់មុខដោយ foodpanda ព្រមទាំងសហការឧបត្ថម្ភធំ ដោយក្រុមហ៊ុន Urban Living Solutions ULS និងក្រុមហ៊ុន BNP Innovation Co., Ltd. ៕
សម្រាប់ព័ត៌មានបន្ថែម និងព្រឹត្តការណ៍ថ្មីៗសូមទំនាក់ទំនង: 085 777 963/ 096 921 8385 ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
