អ្នកថ្មីមិនដូចអ្នកចាស់ Kelly បង្ហាញអារម្មណ៍បែបនេះ ចំពោះគូស្នេហ៍ថ្មី

ថៃ៖ ធ្វើឲ្យហ្វេនៗផ្ទុះការចាប់អារម្មណ៍សាជាថ្មី​ បន្ទាប់ពី តារាប្រុស លោក Kelly Tanapat ចេញមកបង្ហាញមុខមាត់គូស្នេហ៍ថ្មីរបស់ខ្លួន នៅលើបណ្ដាញសង្គម បន្ទាប់ពីបានប្រកាសលែងលះភរិយាអស់ជាច្រើនខែកន្លងទៅ។

មិនត្រឹមតែប៉ុណ្ណោះ ថ្មីៗនេះ លោក Kelly ក៏បានចេញមកបើកចំហរ លើរឿងនេះ ជាលើកដំបូង តាមរយៈការផ្ដល់បទសម្ភាសន៍ក្នុងកម្មវិធីមួយ ដោយបានប្រាប់ថា ពេលនេះ លោកពិតជាសប្បាយ​ចិត្តនិងមាន​អារម្មណ៍​ធូរ​ស្រាលក្នុង​ជីវិត ដែល​បាន​ឆ្លង​កាត់​រឿង​ល្អ និង​អាក្រក់​ជា​ច្រើន។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ នៅពេលសួរនាំដល់ពីរឿងរ៉ាវរបស់គូស្នេហ៍ថ្មីដ៏ស្រស់ស្អាតរូបនេះ លោក Kelly ក៏បានបញ្ជាក់ថា អ្នកទាំងពីរមានអាយុខុសគ្នាដល់ទៅ ១០ ឆ្នាំ ប៉ុន្តែមិត្តស្រីថ្មីនេះ ពិតជាគួរឲ្យស្រលាញ់ខ្លាំងណាស់ និងមានការ​ថែ​ទាំ ​ការ​យក​ចិត្ត​ទុក​ដាក់​ចំពោះ​សេចក្តី​លម្អិត ក៏ដូចជាការរស់នៅ ដូចជាប្រជាជន ​ថៃ​ទូទៅ បើទោះបីជា នាងបានធំឡើងនៅឯបរទេសក៏ដោយ។ 

ជាពិសេស តារាប្រុសរូបនេះ ថែមទាំងបានបង្ហើបថា អ្នកទាំងពីរ បានសិក្សាមើលចិត្តគ្នា ប្រហែល ២ ទៅ ៣ ទៅហើយ ដោយមិនចង់​ធ្វើ​ខុស​ទៀត​ទេ ឬបង្កការខូចខាតដល់ភាគីម្ខាងទៀត។ ហើយពួកគេទាំងពីរ កំពុងនឹងកែសម្រួល ដើម្បីសម្របខ្លួនទៅនឹងគ្នា ទៅវិញទៅមក ផងដែរ៕ 

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ