អាចថាជារឿងកម្រមួយទៀត ករណីដែលអ្នកជំងឺសម្រាកនៅមន្ទីរពេទ្យតាំងពីខែវិច្ឆិកា ២០២១ រង់ចាំការបរិច្ចាគបេះដូង ដើម្បីវះកាត់ផ្លាស់ប្ដូរ(បេះដូង) ឲ្យផុតពីគ្រោះថ្នាក់ដល់អាយុជីវិត លុះមកដល់ដើមសប្ដាហ៍នេះ ក្រោយមានអ្នកបរិច្ចាគលះបង់អវយវៈដ៏សំខាន់ហើយ ស្រាប់តែក្រុមគ្រូពេទ្យបដិសេធមិនព្រមវះកាត់ឲ្យ។ តើមានរឿងអ្វីនៅពីក្រោយបញ្ហានេះ?
ចម្លើយខ្លីគឺ អ្នកជំងឺវ័យ ៣១ឆ្នាំ DJ Ferguson មិនបានចាក់វ៉ាក់សាំងការពារជំងឺឆ្លងមួយចំនួនដែលជាលក្ខខណ្ឌទាមទារដាច់ខាតពីភាគីមន្ទីរពេទ្យជាពិសេសវ៉ាក់សាំងប្រឆាំងកូវីដ១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមគ្រួសារ Ferguson រៀបរាប់ថា “គាត់ស្ថិតនៅលេខរៀងដែលទទួលបានការបរិច្ចាគបេះដូងពីវិបសាយ GoGundMe ព្រោះគាត់មានជំងឺបេះដូងតំណពូជ សួតមានដក់ឈាម និងទឹក ដែលទាមទារការវះកាត់ប្ដូរបេះដូង តែដោយសារគាត់អត់ទាន់បានចាក់វ៉ាក់សាំងការពារជំងឺកូវីដ១៩ មិនគ្រប់លក្ខខណ្ឌចែងរបស់មន្ទីរពេទ្យ ទើបអត់មិនទទួលបានការវះកាត់ដ៏សំខាន់នេះ“។
អាន៖
- Congenital Heart Disease (ជំងឺបេះដូងពីកំណើត)
- នេះជាប្រភេទជំងឺបេះដូងកើតញឹកញាប់ ទាំងលើកូនក្មេង និងមនុស្សចាស់
- ដឹងគន្លឹះទាំងនេះ ម៉ាក់ៗអស់បារម្ភកូនក្នុងផ្ទៃមានជំងឺបេះដូងពីកំណើត
- ស្វែងយល់ពីជំងឺបេះដូងច្រើនទៀត
រាល់ការវះកាត់ប្ដូរសរីរាង្គ គ្រប់អ្នកជំងឺទាំងអស់ដាច់ខាតត្រូវចាក់វ៉ាក់សាំងចាំបាច់មួយចំនួនដូចជា កូវីដ១៩ គ្រុនផ្ដាសាយនានា និងរលាកថ្លើមប្រភេទបេ។ ហេតុអ្វីត្រូវចាក់? អ្នកជំងឺអាចស្លាប់បាន។ វ៉ាក់សាំងទាំងនោះជួយបង្កើនឱកាសខ្ពស់ក្នុងការវះកាត់ដោយជោគជ័យ និងក្រោយវះកាត់អ្នកជំងឺអាចរស់រានបាន។ ឆ្លើយតបនឹងបញ្ហានេះភាគីមន្ទីរពេទ្យស្ថិតនៅបូស្តុនពន្យល់ដូច្នេះ ព្រោះរាល់ឈ្មោះវ៉ាក់សាំងរាយនាមខាងលើជាការកំណត់របស់មជ្ឈមណ្ឌលអាមេរិកសម្រាប់ការគ្រប់គ្រងនិងការពារជំងឺ (CDC)។
“បើអ្នកជំងឺអត់បានចាក់វ៉ាក់សាំងប៉ុន្មានមុខអស់នេះទេ ខាងមន្ទីរពេទ្យនឹងលុបឈ្មោះគាត់ចេញពីបញ្ជីរង់ចាំទទួលការបរិច្ចាគសរីរាង្គដើម្បីវះកាត់ ហើយខាងយើងព្យាយាមគ្រប់បែបយ៉ាងដើម្បីផ្ដល់សរីរាង្គ ដែលជាចំណែកដ៏កម្រឲ្យទាន់ពេលវេលា ដើម្បីពង្រីកឱកាសរស់រានអ្នកជំងឺឲ្យកាន់តែធំអស់ពីលទ្ធភាពតាមដែលអាចធ្វើទៅបាន ព្រោះ CDC តម្រូវដូច្នេះ។” មន្ទីរពេទ្យបកស្រាយបន្ថែម។
ងាកមកឪពុករបស់ Fergusion ឯណេះវិញបញ្ជាក់ថា ការដែលកូននិងគ្រួសារអត់ទៅចាក់វ៉ាក់សាំងការពារជំងឺកូវីដ១៩ ព្រោះក្រុមគ្រួសារលោកអត់ជឿសោះលើសមត្ថភាពវ៉ាក់សាំងទាំងអស់នោះ។ តាមពិតមិនមែនតែគ្រួសាររបស់ Fergusion ទេដែលបដិសេធមិនព្រមទៅចាក់វ៉ាក់សាំងកូវូដ១៩ ពលរដ្ឋអាមេរិក និងអឺរ៉ុបមួយចំនួនមានផ្នត់គំនិតថា ចាក់ធ្វើអី បើនៅឆ្លងដដែល ឬអ្នកខ្លះមិនទុកចិត្តពីសុក្រឹតភាពរបស់វ៉ាក់សាំង ក្រែងមានផលអាក្រក់ប៉ះពាល់ដល់អាយុជីវិតគេដោយប្រការណាមួយទោះភាគរយតិចតួចកម្រិតណាក៏ដោយ។
នៅចាំបានថា អាមេរិកទើបប្រកាសជោគជ័យក្នុងការវះកាត់ប្ដូរបេះដូងជ្រូកដោយការបម្លែងហ្សែន ឲ្យអ្នកជំងឺដែលមានជំងឺបេះដូងឡើងកម្ដៅ កាលពីដើមខែ មករានេះ ដោយជោគជ័យ ព្រោះបើតាមតួលេខអ្នកជំងឺដែលរង់ចាំទទួលការបរិច្ចាគសរីរាង្គមកវះកាត់មានជាង ១០ម៉ឺននាក់ឯណោះ បើផ្អែកទៅតាមវិបសាយ GoFundme។ អ្នកជំងឺខ្លះក៏ស្លាប់ព្រោះរង់ចាំច្រើនឆ្នាំ ស៊ូទ្រាំនឹងជំងឺមិនបាន។ អ្នកខ្លះរង់ចាំដល់ទៅ ៥ឆ្នាំ ទម្រាំបានវះកាត់ដោយជោគជ័យរួចផុតជីវិតមកវិញ ប៉ុន្តែករណីអ្នកជំងឺមានកូន២នាក់ក្នុងបន្ទុកវ័យ ៣១ឆ្នាំ Fergusion ខាងលើ រង់ចាំទើបជាង ២ខែ ដល់លេខរៀងទទួលសរីរាង្គបេះដូងមកវះកាត់ទៅហើយ បែរជាមិនបំពេញលក្ខខណ្ឌគ្រប់គ្រាន់របស់ CDC និងមន្ទីរពេទ្យទៅវិញ។ តើស្ថានភាពជំងឺ និងអាយុជីវិតរបស់អ្នកជំងឺរូបនេះនឹងទៅជាយ៉ាងណា?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
