ហាក ម៉េចលេងចឹង? ជនមិនស្គាល់មុខម្នាក់ បង្កប់... ក្នុងប្រអប់អីវ៉ាន់ សំណាងចេះមើលទាន់

ខេត្តប៉ៃលិន៖ កាលពីពេលថ្មីៗនេះ ផ្ទុះការភ្ញាក់ផ្អើលជាខ្លាំង ក្រោយពីមានជនមិនស្គាល់អត្តសញ្ញាណម្នាក់ បានទាក់ទងផ្ញើប្រអប់អីវ៉ាន់ តាមរយៈក្រុមហ៊ុន J&T ដោយសារមានការសង្ស័យក្នុងប្រអប់អីវ៉ាន់នោះ ទើបខាងក្រុមហ៊ុន បើកមើល ស្រាប់តែប្រទះឃើញគ្រាប់បែកកែច្នៃ នៅខាងក្នុងនោះ ។

សូមជម្រាបថា ហេតុការណ៍នេះ បានកើតឡើងកាលពីវេលាម៉ោងជាង ៧យប់ ថ្ងៃទី ២៥ ខែ មករា ឆ្នាំ ២០២២ នៅចំណុចទីតាំងក្រុមហ៊ុន J&T ស្ថិតក្នុងភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន ខេត្តប៉ៃលិន ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើតាមបុគ្គលិកក្រុមហ៊ុន J&T បានប្រាប់សមត្ថកិច្ចថា នៅវេលាម៉ោង ៦និង២០នាទីយប់ ថ្ងៃទី២៥ ខែមករា ឆ្នាំ២០២២ មានជនមិនស្គាល់អត្តសញ្ញាណម្នាក់ បានទូរសព្ទមកក្រុមហ៊ុន J&T តាមរយៈទូរសព្ទលេខ ០១១ ២១៧ ០៤៤ ដោយប្រាប់ថា ឲ្យបុគ្គលិកទៅយកឥវ៉ាន់ នៅចំណុចតារាងបាល់ ខាងកើតរូបសំណាកលោកយាយយ៉ាត ស្ថិតក្នុងភូមិអូរតាប្រាង សង្កាត់ប៉ៃលិន ក្រុងប៉ៃលិន ខេត្តប៉ៃលិន ។

បុគ្គលិកក្រុមហ៊ុន បន្តថា លុះដល់ម៉ោង ៦និង៥៤នាទីយប់ បុគ្គលិកក្រុមហ៊ុន បានទៅយកអីវ៉ាន់ពីជនមិនស្គាល់អត្តសញ្ញាណនោះ នៅចំណុចខាងលើ ជននោះបានប្រាប់បន្ថែមទៅខាងបុគ្គលិកក្រុមហ៊ុនថា មិនឲ្យបើកមើលឥវ៉ាន់នោះទេ ។ ក្រោយពេល នាំយកអីវ៉ាន់នោះ មកដល់ក្រុមហ៊ុន ខាងក្រុមហ៊ុនមានការសង្ស័យ និងមានការវេចខ្ចប់មិនត្រឹមត្រូវទៀត ក៏បានបើកមើល ស្រាប់តែមានអណ្តាតភ្លើងឆេះឡើង ប៉ុន្តែត្រូវបានបុគ្គលិកយកទឹកចាក់ពន្លត់ទាន់ ។

បើតាមប្រភពដដែល បានឱ្យដឹងថា ឥវ៉ាន់នេះ គឺមានគោលដៅ ផ្ញើទៅសង្កាត់ចម្ការសំរោង ក្រុងបាត់ដំបង ខេត្តបាត់ដំបង អ្នកទទួលមានលេខទូរសព្ទ ០៨៦ ២២៤ ៤៤០/ ០១២ ៤០៥ ៧១៦ ។

ក្រោយកើតហេតុ មន្ត្រីជំនាញ CMAC បានចុះទៅធ្វើការត្រួតពិនិត្យ និងបានបញ្ជាក់ថា ឥវ៉ាន់នេះ ជាប្រភេទគ្រាប់បែកកែច្នៃ ដែលមានកម្លាំងផ្ទុះរបស់វា គឺស្មើនឹង មីនតោន ០១គ្រាប់ ។បច្ចុប្បន្ន ករណីនេះ ត្រូវបានកំពុងធ្វើការស៊ើបអង្កេតបន្ថែមដោយ កម្លាំងផែនការងារសន្តិសុខ៕

ប្រភព៖ KSP

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ហាក ម៉េចលេងចឹង? ជន​មិន​ស្គាល់​មុខម្នាក់ បង្កប់​... ក្នុង​ប្រអប់​អីវ៉ាន់ សំណាងចេះមើលទាន់

In Case You Missed It

ហាក ម៉េចលេងចឹង? ជនមិនស្គាល់មុខម្នាក់ បង្កប់... ក្នុងប្រអប់អីវ៉ាន់ សំណាងចេះមើលទាន់