ច្បាប់គឺច្បាប់! មិនខ្វល់ថាជាតារាល្បី បើកឡានទាំងស្រ.វឹ.ង បវរកញ្ញាកូរ៉េរូបនេះ ត្រូវប៉ូលីសចាប់ភ្លាមៗ

កូរ៉េខាងត្បូង÷ នៅថ្ងៃសៅរ៍ ទី២៩ ខែមករា ឆ្នាំ២០២១ យោងតាមប្រភពសារព័ត៌មាន Yonhap បានរាយការណ៍ថានាង Seo Ye Jin ម្ចាស់ជ័យលាភីលំដាប់រងទី១ក្នុងកម្មវិធីបវរកញ្ញាកូរ៉េឆ្នាំ២០១៨ ត្រូវបានប៉ូលីសចាប់ខ្លួន ដោយសារតែនាងបានបើកបរក្នុងស្ថានភាពស្រវឹង។ 

យោងតាមប្រភពព័ត៌មានដដែលនេះបានឲ្យដឹងថា ខណៈដែលកំពុងបើកបរឆ្លងកាត់តំបន់Yangjaecheon-ro  ខណ្ឌGangnam ទីក្រុងសេអ៊ូល នៅវេលាយប់ឈានចូលថ្ងៃទី២៩ ខែមករា ឆ្នាំ២០២២ នាងSeo Ye Jin បានបុកដើមឈើនៅសងខាងផ្លូវ ហើយភ្លាមៗនោះកង់មុខរបស់នាងបានបែក ប៉ុន្តែជាភ័ព្វសំណាងមិន​មាននរណា​ម្នាក់​រង​របួស​នោះ​ទេ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រោយពិនិត្យកំហាប់ជាតិអាល់កុលក្នុងឈាមរបស់នាងSeo Ye Jin គឺមានដល់ទៅ ០,១០៨ភាគរយ។ ភ្លាមៗនោះប័ណ្ណបើកបររបស់នាងត្រូវបានដកហូតនៅកន្លែងកើតហេតុ បន្ទាប់មកនាយកដ្ឋានប៉ូលីសប្រចាំទីក្រុងSeoul បាននិយាយថា ខ្លួនកំពុងរៀបចំឯកសារនិងចេញដីកាចាប់ខ្លួន Seo Ye Jin ដើម្បីស៊ើបអង្កេតឧប្បត្តិហេតុនេះ។ 

សូមរំលឹកផងដែរថា នាងSeo Ye Jin ត្រូវបានគេស្គាល់ថាជាបវរកញ្ញាលំដាប់រងទី១ ក្នុងកម្មវិធីប្រកួតបវរកញ្ញាកូរ៉េឆ្នាំ២០១៨ ហើយទន្ទឹមនឹងនោះនាងក៏បានតំណាងឲ្យប្រទេសកូរ៉េខាងត្បូងចូលរួមក្នុងការប្រលងបវរកញ្ញាអន្តរជាតិនៅប្រទេសជប៉ុនថែមទៀតផង៕

• រូបភាព
• តារាកូរ៉េ