ដាក់ឈ្មោះទ្រព្យរៀងៗខ្លួន បាន Angelababy និង Huang Xiaoming លែងគ្នាស្រួលៗ

ចិន៖ នៅថ្ងៃទី ២៨ ខែមករា Sina បានរាយការណ៍ថា Angelababy និង Huang Xiaoming បានប្រកាសពីការលែងលះរបស់ពួកគេ ដោយដំណើរការផ្លូវច្បាប់កំពុងដំណើរការ ចំពោះដំណឹងសោកសៅនេះ​ ក៏បានក្លាយជា ប្រធានបទគេលើកមកនិយាយគ្រប់ៗគ្នាផងដែរ។

ទោះជាយ៉ាងណាក៏ដោយ ដំណើរការទាំងនេះគ្រាន់តែទាក់ទងនឹងស្ថានភាពអាពាហ៍ពិពាហ៍ប៉ុណ្ណោះ មិនមែនជាបញ្ហាទ្រព្យសម្បត្តិទេ។ ស៊ីណា​បាន​និយាយ​ថា អ្នក​ទាំង​ពីរ​មិន​មាន​ទំនាក់ទំនង​បញ្ហាលុយកាក់នោះទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នេះបើយោងតាមប្រភពមួយបានបន្តទៀតថា ក្រុមហ៊ុន Huang Xiaoming មានភាគហ៊ុននៅក្នុងក្រុមហ៊ុនចំនួន ៤៨ ចំណែក Angelababy វិនិយោគនៅក្នុងក្រុមហ៊ុនចំនួន ៣ ដែលទាំងអស់ត្រូវបានដាក់ឈ្មោះដោយឯករាជ្យដោយសិល្បករពីរនាក់រៀងៗខ្លួន។

គេហទំព័រ​ព័ត៌មាន​បាន​ឲ្យ​ដឹង​ថា កន្លង​មក​ពួក​គេ​បាន​ចែក​រំលែក​ភាគហ៊ុន និង​ពាក់ព័ន្ធ​នឹង​ក្រុមហ៊ុន​ជា​ច្រើន។ យ៉ាង​ណា​មិញ​សម្រាប់​ពេល​នេះ​អ្នក​សិល្បៈ​ទាំង​ពីរ​នៅ​ដាច់​ដោយ​ឡែក​ពី​គ្នា​លើ​បញ្ហា​មួយនេះ។ ប្រការ​នេះ​ធ្វើ​ឱ្យ​អ្នក​សារព័ត៌មាន​ជឿ​ជាក់​ថា​គូស្នេហ៍​តារា​មួយ​គូ​នេះ​បាន​ឈាន​ដល់​ការ​ព្រមព្រៀង​ចែក​ទ្រព្យ​សម្បត្តិ​មុន​ពេល​ប្រកាស​ដំណឹង​លែងលះដូច្នេះដែរ៕

ប្រភព៖ https://zingnews.vn/

សូមទស្សនារូបភាពខាងក្រោម៖

• តារាចិន