តាមពិត Angelababy និងប្តី ចែកផ្លូវគ្នា តាំងពីឆ្នាំមុន

ចិន៖ កាលពីថ្មីៗកន្លងទៅ តារាសម្ដែងស្រី Angelababy និងអតីតស្វាមី លោក Huang Xiaoming បានប្រកាសពីការលែងលះគ្នារបស់ពួកគេ ដែលជាដំណឹងដ៏ភ្ញាក់ផ្អើលយ៉ាងខ្លាំងនៅក្នុងសិល្បៈកម្សាន្ត និងបានធ្វើឲ្យបណ្ដាហ្វេនៗជាច្រើនមានការសោកស្ដាយចំពោះទំនាក់ទំនងមួយនេះ។ 

ដោយឡែក នៅក្នុងរឿងរ៉ាវរបស់អតីតប្ដីប្រពន្ធតារាប្រុសស្រីល្បីទាំងពីររូបនេះ ខាងសារព័ត៌មានក្នុងស្រុកបានបង្ហើបឲ្យដឹងថា Angelababy និង លោក Huang Xiaoming បានឆ្លងកាត់ ដំណើរការលែងលះគ្នា តាំងពីឆ្នាំ ២០២១ មកម្លេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហើយនៅក្នុងអំឡុងពេល ២ ឆ្នាំ កន្លងមកនេះ អ្នកទាំងពីរបានព្យាយាមជាច្រើនដង ដើម្បីកែប្រែអារម្មណ៍របស់ពួកគេ ប៉ុន្តែនៅតែមិនបានជោគជ័យ។ ដូច្នេះហើយ​ក្រោយ​ពី​ ដោះស្រាយតាមនីតិវិធី​ច្បាប់ ​ហិរញ្ញវត្ថុ រួមទាំងកូន​ ​បាន​រួចរាល់ ពួកគេក៏បានសម្រេចចិត្ត​ផ្សព្វផ្សាយ​ព័ត៌មាន​ជា​សាធារណៈ​ កាលពីថ្ងៃទី ​២៨ ខែមករា ។

គួររំឮកផងដែរថា ជីវិតអាពាហ៍ពិពាហ៍របស់ Angelababy និង លោក Huang Xiaoming តែងតែមានព័ត៌មានបែកធ្លាយពីពាក្យចចាមអារ៉ាមលែងលះគ្នាជាច្រើនមកហើយ តែចុងក្រោយ ពួកគេទាំងពីរគ្មានអ្វីត្រូវលាក់បាំងទៀតទេ ខណៈដែលគោល​បំណង​នៃ​ការ​ប្រកាសនេះ ត្រូវបានគេលើកឡើងថា ​គឺ​ដើម្បី​ឲ្យ​អ្នក​រាល់​គ្នា បាន​ប្រារព្ធ​ពិធី​បុណ្យ​ចូលឆ្នាំថ្មីយ៉ាងមានក្ដីសុខ៕ 

ប្រភព៖ Zingews

សូមទស្សនារូបភាពខាងក្រោម៖ 

• តារាចិន