ព្រោះតែខឹងគ្រួសារ ស្ត្រីម្នាក់ លេ.ប ក្រដាសប្រាក់អស់ ២៥សន្លឹក ស្មើនឹង ៥៥១ដុល្លារ ចុងក្រោយលទ្ធផលបែបនេះ

វៀតណាម៖ ដោយសារតែ​ខឹង​នឹង​ក្រុម​គ្រួសារ ស្ត្រី​វៀតណាម អាយុ ៣១ ឆ្នាំ​ម្នាក់ ​នៅ​ខេត្ត Dak Lak បាន​លេប​ក្រដាស​ប្រាក់ ៥០០,០០០ ដុង ចំនួន ២៥សន្លឹក ស្មើនឹង ៥៥១ ដុល្លារ ។

តាមប្រភពព័ត៍មាន បានឱ្យដឹងថា នៅរសៀលថ្ងៃសៅរ៍នេះ ស្ត្រីដែលមិនបញ្ចេញឈ្មោះ ត្រូវបានដឹកទៅមន្ទីរពេទ្យ Central Highlands General Hospital ដោយបង្ករឱ្យមានការភ្ញាក់ផ្អើលជាខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

វេជ្ជបណ្ឌិត​ម្នាក់​ បានវះកាត់បាន​ក្រដាស​ប្រាក់​ចំនួន ១៣ សន្លឹក​ បន្ទាប់​ពី​ធ្វើការ​ឆ្លុះ​អេកូ។ បន្ទាប់មក អ្នកជំងឺ​ត្រូវ​បាន​បញ្ជូន​ទៅ​បន្ទប់​វះកាត់ ធ្វើ​ការ​ចាក់​ថ្នាំ​សណ្តំ ហើយ​ក្រដាស់ប្រាក់ ១២ សន្លឹក​ទៀត​ត្រូវ​បាន​យក​ចេញ​ពី​ពោះ​របស់​នាង។

គ្រូពេទ្យ​បាន​និយាយ​ថា អ្នកជំងឺ​ បានធូរស្រាលឡើង​វិញហើយ​ បន្ទាប់​ពី​ការ​វះកាត់។វេជ្ជបណ្ឌិតជាន់ខ្ពស់នៅមន្ទីរពេទ្យបាននិយាយថា នេះជាករណីដ៏កម្រមួយពុំធ្លាប់មាន។ លោក​បាន​បន្ថែម​ថា ប្រសិន​បើ​លុយ​មិន​ត្រូវ​បាន​យក​ចេញ​ពីពោះស្ត្រីម្នាក់នោះទាន់​ពេល​ទេ ផលវិបាក​ធ្ងន់ធ្ងរ​ដូចជា​ស្ទះ​ពោះវៀន ឬ​ខូច​ពោះវៀន​ អាច​នឹង​កើតមាន​ឡើង៕