មិនចោលគំនិត! ផ្ទុះការភ្ញាក់ផ្អើល ក្រោយកម្មវិធីបវរកញ្ញាថៃមួយនេះ ដាក់រូបប្រាសាទអង្គរវត្តកម្ពុជា

តារាកម្សាន្ត៖ កាលពីពេលថ្មីៗកន្លងទៅនេះ អ្នកលេងបណ្តាញសង្គមហ្វេសប៊ុក ជាពិសេសអ្នកដែលនិយមគាំទ្រវិស័យបវរកញ្ញាបានផ្ទុះការចាប់អារម្មណ៍ និងភ្ញាក់ផ្អើលជាខ្លាំង ក្រោយបានឃើញកម្មវិធីប្រកួតបវរកញ្ញារបស់ថៃមួយ មានឈ្មោះថា Miss Grand Bangkok បានដាក់រូបប្រាសាទអង្គរវត្តរបស់កម្ពុជា នៅក្នុងផ្ទាំងPoster របស់ខ្លួន រហូតធ្វើឲ្យអ្នកគាំទ្រផ្ទុះការងើយឆ្ងល់អំពីមូលហេតុនៅពីក្រោយរឿងនេះ។

ជាក់ស្តែងក្រោយផ្ទុះមតិរិះគន់ពីសំណាក់អ្នកគាំទ្រនៅកម្ពុជា ភ្លាមៗនោះ ម្ចាស់ផេកMiss Grand Bangkok បានធ្វើការផ្លាស់ប្តូរPoster របស់ខ្លួន ដោយលុបរូបប្រាសាទអង្គរវត្តរបស់កម្ពុជាចេញ ប៉ុន្តែទោះជាយ៉ាងណាក៏ដោយក៏មានអ្នកលេងបណ្តាញសង្គមនៅកម្ពុជាជាច្រើនចោទជាសំនួរថាតើហេតុអ្វីបានជាកម្មវិធីនេះហ៊ានធ្វើបែបនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមបញ្ជាក់ផងដែរថា ក្រោយផ្ទុះរឿងរ៉ាវដ៏កក្រើកមួយនេះ មានអ្នកលេងបណ្តាញសង្គម ជាពិសេសហ្វេនៗជាច្រើនបានធ្វើការរិះគន់ ព្រមទាំងមានអ្នកគាំទ្រមួយចំនួនសំណូមពរឲ្យស្ថាប័នប្រកួតបវរកញ្ញាថៃខាងលើចេញមុខមកធ្វើការបកស្រាយថែមទៀតផង៕

ចង់ជ្រាបកាន់តែច្បាស់ សូមទស្សនារូបភាពខាងក្រោមនេះ៖

• រូបភាព