ចិន ប្រកាសរកឃើញ ករណីឆ្លងថ្មីចំនួន ៣៧ករណី ​ក្នុងអំឡុងព្រឹត្តិការណ៍ប្រកួតកីឡាអូឡាំពិក

ប៉េកាំង៖ គណៈកម្មាធិការរៀបចំព្រឹត្តិការណ៍កីឡារដូវរងាឆ្នាំ ២០២២ នៅទីក្រុងប៉េកាំង បាននិយាយថា ប្រទេសចិនបានរកឃើញករណីឆ្លងកូវីដ១៩ ថ្មីចំនួន ៣៧ ករណី ក្នុងចំណោមមនុស្សដែលមានទំនាក់ទំនងជាមួយកីឡាអូឡាំពិកកាលពីថ្ងៃអាទិត្យ ពោលគឺកើនឡើងពី ៣៤ នាក់ កាលពីមួយថ្ងៃមុននេះ។ នេះបើតាមការចុះផ្សាយរបស់សារព័ត៍មាន Tuoi Tre។

អ្នករៀបចំបាននិយាយកាលពីថ្ងៃច័ន្ទ ក្នុងសេចក្តីជូនដំណឹងនៅលើគេហទំព័រ Games ថាមានករណីថ្មីចំនួន ២៨គឺជាអ្នកដែលបានធ្វើតេស្តវិជ្ជមានបន្ទាប់ពីបានមកដល់អាកាសយានដ្ឋាន រួមទាំងអត្តពលិក ឬមន្ត្រីក្រុមចំនួន​ ៨នាក់ដែលត្រូវចូលរួមក្នុងការប្រកួតកីឡានៅថ្ងៃទី ០៤ ដល់ថ្ងៃទី២១ខែកុម្ភៈ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អាជ្ញាធរកំពុងដាក់វិធានការសុខភាពយ៉ាងតឹងរ៉ឹងសម្រាប់ព្រឹត្តិការណ៍ ជាមួយនឹងអ្នកចូលរួម បុគ្គលិក និងប្រព័ន្ធផ្សព្វផ្សាយដែលប្រតិបត្តិការនៅក្នុង "ខ្សែរង្វិលជុំបិទជិត" ដែលចែកខណ្ឌពួកគេពីសាធារណៈជន។ខ្សែរង្វិលជុំអនុញ្ញាតឱ្យអ្នកចូលរួមផ្លាស់ទីដោយសេរីរវាងកន្លែងស្នាក់នៅ និងកន្លែងអូឡាំពិក កន្លែងផ្សេងៗ។ល។ ប៉ុន្តែពួកគេមិនត្រូវបានអនុញ្ញាតឱ្យផ្លាស់ទីដោយសេរីនៅទីសាធារណៈនោះទេ។

ផ្ទុយពីប្រទេសនានាក្នុងពិភពលោក ដែលកំពុងសម្របខ្លួនរស់នៅជាមួយកូវីដ១៩ តែ ប្រទេសចិន បានដាក់ប្រទេសស្ថិតក្នុងសភាពឯកាជាមួយនឹងគោលការណ៍តឹងរ៉ឹងម៉ឹងម៉ាត់ ដោយបានលុបចោលជើងហោះហើរអន្តរជាតិស្ទើរតែទាំងអស់។

ជាមួយគ្នានោះ អត្តពលិកអូឡាំពិក និងអ្នកផ្សេងទៀត ត្រូវហោះហើរត្រង់ចូលទីក្រុងតាមជើងហោះហើរធម្មតា។ មនុស្សគ្រប់រូបដែលចូលរួមក្នុងព្រឹត្តិការណ៍ហ្គេម រួមទាំងប្រព័ន្ធផ្សព្វផ្សាយ និងបុគ្គលិកក៏កំពុងត្រូវបានធ្វើតេស្តជារៀងរាល់ថ្ងៃផងដែរ៕