ញាក់សាច់! លោក គីម ជុងអ៊ុន បំពាក់បង្កប់បង្គន់ នៅក្នុងរថយន្ត ព្រោះខ្លាចគេ…..

កូរ៉េខាងជើង៖ មេដឹកនាំកំពូលកូរ៉េខាងជើង លោក គីម ជុងអ៊ុន ជាថ្មីម្តងទៀត បានធ្វើឱ្យយើងភ្ញាក់ផ្អើលជាមួយនឹងរូបរាងដ៏សង្ហារបស់លោក។ តែលើកនេះ អ្វីដែលធ្វើឱ្យគេភ្ញាក់ផ្អើលនោះ ​​គឺថាមេដឹកនាំកូរ៉េខាងជើងរូបនេះ មាន​បង្គន់​ចល័ត​ដែល​អាច​យក​ទៅ​គ្រប់​ទីកន្លែងបាន។

ក្នុងនោះ មូលហេតុ​ក្រោយ​រឿងរ៉ាវនេះ ព្រោះតែលោក គីម ជុងអ៊ុន ​មិន​ទុកចិត្ត​បន្ទប់ទឹក​សាធារណៈ​នោះទេ។បើតាមប្រភពព័ត៍មាន បានរាយការណ៍មកថា កំពូលមេដឹកនាំកូរ៉េខាងជើងរូបនេះ មានបង្គន់ផ្ទាល់ខ្លួន ដែលបំពាក់បង្កប់នៅក្នុងរថយន្តទាំងអស់របស់លោក ហើយលោកប្រើប្រាស់តែបង្គន់នៅក្នុងរថយន្តទាំងនោះប៉ុណ្ណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូម្បីតែរថយន្ត Mercedes-Benz ដែលការពារគ្រាប់កាំភ្លើងរបស់លោក គីម ជុងអ៊ុន ក៏ត្រូវបានកែប្រែ ដូច្នេះ មេដឹកនាំរូបនេះអាច "ការពារលាមករបស់លោក" បាន។ ក្នុងនោះ រថភ្លើងផ្ទាល់ខ្លួនរបស់លោក គីម ជុងអ៊ុន ក៏ដូចជារថយន្តធុនតូច ឬមធ្យមដែលមេដឹកនាំរូបនេះ ធ្វើដំណើរផងដែរ ពោលគឺមានបន្ទប់ទឹកពិសេសសម្រាប់តែលោកប៉ុណ្ណោះ។

ជាមួយគ្នានោះដែរ អង្គរក្សរបស់លោកត្រូវបានបញ្ជាឲ្យឃ្លាំមើលបង្គន់ផ្ទាល់ខ្លួនរបស់លោក ហើយប្រសិនបើរកឃើញថាមាននរណាម្នាក់ប្រើវា អាចនឹងត្រូវមានទោសប្រហារជីវិតថែមទៀតផង។ តាមប្រភពដដែលបានឱ្យដឹងថា ការដែលមេដឹកនាំ លោក គីម ជុងអ៊ុន បានធ្វើការសម្រេចចិត្តបែបនេះ ដោយសារតែលោកមិនចង់ឱ្យលា.មក ធ្លាក់ទៅក្នុងដៃសត្រូវ ព្រោះវាមានព័ត៌មានអំពីស្ថានភាពសុខភាពរបស់រូបលោក។

សូមបញ្ជាក់ផងដែរថា នាពេលថ្មីៗនេះ ក៏មានការជជែកដេញដោលគ្នាយ៉ាងសម្បើមជុំវិញស្ថានភាព និងសុខភាពរបស់មេដឹកនាំរូបនេះផងដែរ ខណៈដែលរូបលោក បានស្រកទម្ងន់ដល់ទៅ ២០គីឡូក្រាមពីទម្ងន់ឯណោះ៕