បរទេស៖ យោងតាមសារព័ត៌មាន The Sun តារាសម្តែងប្រុស Tom Holland បានទិញអចលនទ្រព្យតម្លៃ ៣ លានផោន (ជាង ៤ លានដុល្លារ) នៅទីក្រុង Richmond ទីក្រុងឡុង ប្រទេសអង់គ្លេសកាលពីខែមុន ដែលរូបលោក បានរៀបនឹងទៅនៅជាមួយមិត្តស្រី ត្រូវជាតារាស្រី Zendaya នៅទីនោះតែម្តង។
ក្នុងប្រភពដដែលបាននិយាយថា គូស្នេហ៍តារានៃតួអង្គខ្សែភាគយន្ត «Spider-Man: No Way Home» គ្រោងនឹងចំណាយប្រាក់ ជាង ៣ សែនដុល្លារបន្ថែមទៀត ដើម្បីសាងសង់កន្លែងហាត់ប្រាណ រោងកុន និងបន្ទប់ក្រោមដីរមណីយដ្ឋានក្នុងផ្ទះទៀតផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគេត្រូវបានឲ្យដឹងថា នៅទីក្រុង Los Angeles សហរដ្ឋអាមេរិក Zendaya ក៏មានផ្ទះល្វែងតម្លៃ ៣ លានដុល្លារផងដែរ តែយ៉ាងណាមិញ នាងចង់ផ្លាស់ទៅទីក្រុងឡុងដ៍ ដើម្បីបានស្និទ្ធស្នាលជាមួយមិត្តប្រុសរបស់នាង ដែលផ្ទះថ្មីរបស់អ្នកទាំងពីរមានទីតាំងនៅ Kingston upon Thames ជិតផ្ទះល្វែងដែលមិត្តប្រុសរបស់ រស់នៅជាមួយកាលពីកុមារភាព។
ត្រឡប់ទៅវិញ Zendaya និង Tom Holland ស្គាល់គ្នាយូរណាស់មកហើយ រហូតដល់ឆ្នាំ ២០១៦ ពួកគេបានស្និទ្ធស្នាល និងស្រលាញ់គ្នាក្នុងពេលថតរឿង «Spider-Man: Homecoming» ជាមួយគ្នា។
នៅដើមខែកក្កដា ឆ្នាំ ២០២១ គូស្នេហ៍តារាមួយគូនេះត្រូវបានគេប្រទះឃើញថើបគ្នានៅក្នុងឡាន ខណៈពេលដែលឈប់នៅភ្លើងក្រហមនៅ Silver Lake (Los Angeles) នៅជិតផ្ទះម្តាយរបស់ Zendaya ដោយក្នុងនោះ អ្នកទាំងពីរ មិនយកចិត្តទុកដាក់នឹងមនុស្សជុំវិញខ្លួនទេ ដោយសារភាពស្នេហាបើកចំហររបស់ពួកគេ៕
ប្រភព៖ https://zingnews.vn/
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
