ជាគ្រួសាររីករាយ ស្វាមី ម៉ារីម៉ា បញ្ចេញរូបគួរឲ្យក្នាញ់ជាមួយកូនស្រី

ហ្វីលីពីន៖ អាចនិយាយបានថា គឺជាក្រុមគ្រួសារដ៏ល្បីមួយនៅក្នុងវិស័យសិល្បៈ សម្រាប់ តារាស្រី Marian Rivera និង ស្វាមី លោក Dingdong Dantes ដែលតែងតែមានសកម្មភាពរីករាយជាច្រើន ក្នុងការកម្សាន្តព្រមជាមួយនឹងកូនប្រុសស្រីទាំងពីររបស់ខ្លួន ដែលជួយឲ្យជីវិតគ្រួសារទាំងមូលកាន់តែមានសុភមង្គល។

ដោយឡែក កាលពីប៉ុន្មានថ្ងៃមុននេះ តារាស្រី Marian Rivera បានបង្ហោះនូវរូបភាពដ៏គួរឲ្យចាប់អារម្មណ៍ ដែលបង្ហាញឲ្យឃើញ ស្វាមី និងកូនស្រីបណ្ដូលចិត្ត ដោយនៅក្នុងនោះ លោក Dingdong Dantes ចេញមកជាមួយនឹងកាយវិការ លើកកូនស្រីនៅក្នុងដៃ និងធ្វើមុខមាត់បែបឃ្យូតគួរឲ្យស្រលាញ់ដូចគ្នា ថែមទៀត។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស តាមរយៈការបង្ហាញលើកនេះ តារាស្រីរូបនេះបានភ្ជាប់ជាមួយនឹងស្ទីកគ័របង្ហាញក្ដីស្រលាញ់ចំពោះអ្នកទាំងពីរ ទាំងស្វាមីនិងកូនស្រី ទៅលើសកម្មភាពដ៏គួរឲ្យក្នាញ់ ព្រមទាំងត្រូវបានមនុស្សជាច្រើន កាន់តែច្រណែន និងប្រាថ្នាចង់បានជីវីតគ្រួសារដូចជាគូស្វាមីភរិយា តារាទាំងពីរដួងនេះ ផងដែរ៕ 

សូមទស្សនារូបភាពខាងក្រោម៖ 

• តារាអន្តរជាតិ