មកស្គាល់តារា​ស្រីល្បីៗប្រចាំកូរ៉េខាងត្បូង ​​ស្អាត​បំផុត​ប្រចាំ​ទសវត្សរ៍​នីមួយៗ

សេអ៊ូល៖ ភាពស្រស់ស្អាតគឺស្ថិតនៅក្នុងក្រសែភ្នែករបស់អ្នកមើល ហើយស្តង់ដារនៃភាពស្រស់ស្អាតគឺត្រូវផ្លាស់ប្តូរទៅតាមសម័យកាល។ យ៉ាង​ណា​មិញ មាន​បុគ្គល​ដែល​ស័ក្តិសម​នឹង​ស្តង់ដារ​នៃ​សម្រស់​ដែល​មនុស្ស​ជា​ច្រើន​ចាត់​ទុក​ថា​ស្អាត​បំផុត។

ហេតុដូច្នេះ នេះគឺដូចគ្នាសម្រាប់ឧស្សាហកម្មកម្សាន្ត និងភាពយន្តកូរ៉េផងដែរ ដែលពេញមួយទស្សវត្សន៍កន្លងមកនេះ មានតារាសម្ដែង ក៏ដូចជាតារាៗ ក្នុងវិស័យ K-pop ដែលត្រូវបានជ្រើសរើសថាស្អាតជាងគេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្នក​លេង​អ៉ីនធឺណែត​ម្នាក់​បាន​ចាប់​ផ្ដើម​ការ​ពិភាក្សា​សហគមន៍​តាម​បណ្តាញសង្គម ដែល​អ្នក​និយមលេងអ៉ីនធឺណែត​អាច​ជ្រើសរើស​តំណាង​ឲ្យ​សម្រស់​ប្រចាំ​ទសវត្សរ៍​ ដែលចាប់ពីឆ្នាំ ១៩៨០ ដល់ឆ្នាំ ២០២០ ដោយពួកគេបានពិភាក្សាអំពីបុគ្គលដ៏ស្រស់ស្អាតបំផុតដែលតំណាងឱ្យរៀងរាល់ទសវត្សរ៍នីមួយៗ។

យោងតាមការបង្ហោះនោះ តារាសម្តែងស្រី Hwang Shin Hye ត្រូវបានជ្រើសរើសជាតារាស្រីដ៏ស្រស់ស្អាតបំផុតនៃទសវត្សរ៍ឆ្នាំ ១៩៨០ តារាសម្តែង Kim Hee Sun ត្រូវបានជ្រើសរើសក្នុងទសវត្សរ៍ឆ្នាំ ១៩៩០ ហើយ Kim Tae Hee ត្រូវបានជ្រើសរើសជាតំណាងនៃភាពស្រស់ស្អាតនៃទសវត្សរ៍ឆ្នាំ ២០០០។

មិនត្រឹមតែប៉ុណ្ណោះ យោងតាមការអត្ថាធិប្បាយតារាស្រី Suzy ត្រូវបានជ្រើសរើសជាស្រីស្អាតបំផុតសម្រាប់ឆ្នាំ ២០១០ ខណៈដែល Han So Hwee ត្រូវបានជ្រើសរើសសម្រាប់ឆ្នាំ ២០២០៕

ប្រភព៖ Allkpop

សូមទស្សនារូបភាពខាងក្រោម៖

១. Hwang Shin Hye ទសវត្សរ៍ឆ្នាំ ១៩៨០

២. Kim Hee Sun ទសវត្សរ៍ឆ្នាំ ១៩៩០

៣. Kim Tae Hee ទសវត្សរ៍ឆ្នាំ ២០០០

៤. Suzy ទសវត្សរ៍ឆ្នាំ ២០១០

៥. Han So Hwee ទសវត្សរ៍ឆ្នាំ ២០២០

• តារាកូរ៉េ