ចូលឆ្នាំថ្មីសប្បាយចិត្ត តារាស្រី Ady An បែរជាបៀមទុ.ក្ខ ព្រោះស្វាមីត្រូវចា.ប់ខ្លួន

តៃវា៉ន់៖ ថ្មីៗនេះ យោងតាមប្រព័ន្ធផ្សព្វផ្សាយតៃវ៉ាន់ បានរាយការណ៍ឲ្យដឹងថា តារាសម្ដែងស្រី Ady An ហាក់កំពុងមានទុក្ខ ដោយមិនបានញ៉ាំឬផឹក អស់រយៈពេលពីរបីថ្ងៃមកហើយ បន្ទាប់ពី មានដីកាចាប់ខ្លួនស្វាមីរបស់នាង។

មិនត្រឹមតែប៉ុណ្ណោះ តារា​សម្ដែង​រូប​នេះ​ បាន​ប្រាប់​សាច់​ញាតិ​របស់​ខ្លួន​ថា នេះ​គឺជាថ្ងៃ​ចូល​ឆ្នាំ​ដ៏​សោកសៅ​បំផុត​ក្នុង​ជីវិត​របស់​ខ្លួន ខណៈដែលបច្ចុប្បន្ននេះ ស្វាមីរបស់នាង កំពុងត្រូវបានឃុំខ្លួននៅពន្ធនាគារ Coloane, ទីក្រុង Macau ដែលត្រូវរង់ចាំការកាត់ក្តី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលធ្វើឲ្យហ្វេនៗកាន់តែបារម្ភនោះគឺ មានប្រភពដ៏ល្បីមួយទៀត បានលើកឡើងថា សុខភាពផ្លូវកាយរបស់ តារាស្រី Ady An គឺមិនល្អនោះទេ ដែលដើមឡើយនាងថែមទាំងមានជំងឺបេះដូងទៀតផង ហើយហេតុការណ៍មួយនេះ ក៏បានធ្វើឱ្យផ្លូវចិត្តរបស់នាង ធ្លាក់ចុះកាន់តែខ្លាំង។

យ៉ាងណាមិញ នៅពេលដែលព័ត៌មានអំពីការចាប់ខ្លួនស្វាមីរបស់ Ady An ត្រូវបានផ្សព្វផ្សាយ រូបនាងបានបដិសេធមិនផ្តល់បទសម្ភាសន៍ឡើយ ដោយមានអ្នក​តំណាង​របស់​នាង​ បាន​និយាយ​ថា នេះ​ជា​រឿង​ផ្ទាល់​ខ្លួន ដែលមិនមានភាព​ងាយ​ស្រួលក្នុងការឆ្លើយតបនោះ​ទេ។ ជាពិសេស តារាសម្ដែងស្រីរូបនេះ ក៏មិនបានធ្វើសកម្មភាព ឬបង្ហាញព័ត៌មានអ្វី នៅលើបណ្តាញសង្គម ដែលបច្ចុប្បន្ន នាង​កំពុង​ស្ថិត​ក្នុង​ទីក្រុង​ម៉ាកាវ​ជាមួយ​នឹង​គ្រួសារ​របស់​ស្វាមី​ខ្លួន៕

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាចិន